Job 24:2 - Nobonob Baibel

² Danab eheɗ hetteb ag men wannu tomppa daatteb aon akkan, laih maadtteb. Ao, ag sipsip yab aon diin, ahilkad gikkiɗah dadppa maadtteb.

Job 24:2 Referans Kwoze

Duteronomi 19:14

Amu Yawe, ahilag Kayak, Nug wan ahilag daakkunu ag madatte amu, ag amuppa nona, ag aibnab mudippan lailkad dilag wan aoglagnu tom ag alalkad meppig mautadppig.

Prowerb 23:10

Na wannu tom epponak men anukka mak amu aib mautppe, laih waum. Ge, na nid naunau mamelkad mauhppig ele, na ahilag wan daug laih adekku aib yab aome.

Duteronomi 27:17

Appeg, Lewi buɗub ag inam akkulag. “Aun laa nug layag mudippan laippu, nuhig tom maute wa, nuhig wan yab aotte amu, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Prowerb 22:28

Wannu tom epponak men, ig mamenkad aɗi anukka meppig amu; na aib men amu mautppe, laih waum.

Hosea 5:10

Am ikki danab Judanu, ag danab ag ⌊eheɗ hena, wan laa aoglagnu⌋ wan tom mauteg, laih gotte, ag amubia hetteb; da oppoɗi bak dahil le bai laappa ooltte bia ag qaɗelagppa gokkaɗkkul.

Job 5:5

Danab amunu amu, laa ag enug aqatte, ag ahan, nuhig ee dattanu, nuhig ee nukka hamu beum ele aon latteb. Ao, laa le baalag diitte, ag nuhig en aoglagnu hik aqatte.

Job 1:17

Danab amu nug uɗia, nai amu Job amegppa mattia dayeye, nai awa uɗiak danab laa nug qaietta uɗia, Job toppa ta, amegppa aum. “Kaldia danab ag oinna ban hena danab ah aqadna ahilag keeke aon gotteb ele amu, danab amu ag huu ewam daan uɗin, ag nahipad maɗi nid kamel gumadppig ele oh qep elabppa aqaeg mauheg, ag kamel nahip oh diin goppig. Da dakka ag da ii aɗaileg, da oole, na amenppa akkulnu uɗimi,” awa aum.

Job 1:15

Anam daaegeg, Seba danab ag ahan banenig uɗin, ag nahipad maɗi nid appa daappig ele oh qep elabppa aqaeg mauheg, nahip doɗ amu oh diin goppig. Da dakka, ag da ii aɗaileg, da oole, na amenppa akkulnu uɗimi,” awa aum.

Job 20:19

Aɗinu amu oh am nau hak danab, nuhigppa bekku? Nug daɗek danab eheɗ hadatta, ahilag keeke awe, ag daɗeknab daappig. Ao, nug wagai ma, lag nug ii heum ele hamu awom.

Job 31:38

Da danab laa qe mauhe, nug baekkudppan nuhignu eheɗ gaaegeg, da nuhig wan hamu aolomlob,