Job 21:5 - Nobonob Baibel

⁵ Ag neekkiɗna, ottaina dabmak kuɗum aweg! Ge, ag dahilppa kobol aɗi aɗi beum anidna, ag dabmak huana aweg!

Job 21:5 Referans Kwoze

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

Job 29:9

Danab okkai laa nai madippig ele, ag oɗelag qamutppig; ag eppelag oohap tena, oɗelag hautppig.

Ikki Danab 18:19

Nug anam a, ag appig “Na toettan daan, uɗippe, ig ele gotu! Na ig mamenig bia daan, na ig aɗi hekkunignu appe doopput, na ihinig mana mettak danab ele daakkut. Na Israel dilag huu okkai imu oh dilagnu mana mettak danab laa daakkut dayeb amu, amuam na danab laippu laugppan mana mettak danab dayaknu iite eɗidma?” aon oɗ medappig.

Prowerb 30:32

Makau huh teppu ele tappiɗppa mena kopippa keeke huana kabolinna daakkut dayeb amu, keeke onig bata bekku; danab laa noob itoɗikkut dayeb amu, noob tiig nekku, amubia, laa nug aɗi heeb, laa nug oo nauhkku amu, nug mehqak aakku bekku. Anam amunu, na danab nug Kayak dab-ii-maama ii dim lamidtte ele bia hena, na nakka na binan okkai meme dayeb; o na kobol nau hekkutnu maittak aome dayeb; na pahanab uukkut. Aib tuɗidna heme!” Amuam Agur, nuhig nai aakku.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Maika 7:16

Yawe Nug wanppanu wan ohppan danab hatteb, ahilag ɠagattag iitta meeb, ag Yawenu hak ɠagattag ele anidna, ag uɗa nak nau dooglag. Ag nai baula mattimnanu ag oɗelkad qamutna, ag dabmak huanak aoglag.

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Job 17:8

Genab tutukku hak danab ag da aniɗna, ag ottaitteb; laa ag beɗulagppa aab iitta, ag ahan, ag danab ag Kayaknu nuhig haknu ele uuak danab daatteb dilag naippa yaaladtteb.

Job 2:12

Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Job 13:5

Ag nai nakok laa iinab mattiloblob, amuam enanag. Ag amu helob, ag doyak dabmak ena ele dim lamidlob.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.