Job 2:7 - Nobonob Baibel

⁷ Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

Job 2:7 Referans Kwoze

Duteronomi 28:35

Yawe Nug geha mamattin nau heeb, digmak ag gatelagppa, baelagppa ele digma ba ukka ikkilagppan noak baelagppa batakku. Ag mamattin amu qeppeg iitta mekkunu elele iitta daakku.

Aisaia 1:6

Israel ag ⌊nid amu⌋ beɗu oh baegppanu ukka igippa tak nauha autanab awa, oppatpat ne, ena iittanab dayaya, beɗu ohppa ebitta bak, ihi nau, ihi okkai okkai ele ⌊bia daatteb⌋. Ihi amu laa dubuttid ii daamanu ii ihappig. Laa ii itappig. Laa ag ihinu guittak iitta mekkunu marasin laa ii laidppig.

Job 30:30

Oɗe dahil he, da gaɗal hin qe, tola gotte; da beɗul am gakkaɗaknab daatte.

Duteronomi 28:27

Yawe Nug geha Isip dilagppa mamattin he aqom bia ahilagppa heeb bekku. Nug heeb, ag beɗulagppa mamattin beppeg, beɗulagppa ihuanhuan, yu qak ele kuɗum ele daappeg, nahig huana aqakku. Ag heppeg, oɗe digdig amu iitta ii memana.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

Aisaia 3:17

Anam amunu, geha Naɗi Nug heeb, Sion ah ag ikkilkad oh ihi medakku. Yo, Yawe Nug heeb, ikkilag uɗug oh mumuɗeb ukkeb, iitta mekku.

Job 7:5

Da beɗulad oh nauhom. Ihilad huana daye, gawat ihiladppa daaeg, ihil gon tonatteb. Ge, da gaɗalppa am ihilad huanak daye, yu ele nette.

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

2 Samuel 14:25

Amu Israel ooppa danab laa nug Apsalom bia ii dayom. Nug am iɗu tuqaknab; beɗu ele, am anttak nuhig enanag. Beɗu ohppa duɗupa, keeke kaliak, o eheɗ nakok laa ii dayom. Nug anam daye, danab ah kuɗum ag nug am anam amunu, ag nug binag meppig

Job 2:6

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Nug na eppenppa daatte, amge na Job heppe mauhkkunu aib heme! Guittak medakkut aakkuib,” awa aum.

Job 13:28

Da am ad keeke beɗom daatte bia daattem; da lamen gawat heeg nauhom daatte amu, da amubia daattem.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.