Job 2:6 - Nobonob Baibel

⁶ Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Nug na eppenppa daatte, amge na Job heppe mauhkkunu aib heme! Guittak medakkut aakkuib,” awa aum.

Job 2:6 Referans Kwoze

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Job 1:12

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Keeke nuhikkud oh amu, na amuppa aɗi hekkutnu na eppenppa daatte, amge na Job, nuhigppanab na keeke laa aibnab heme!” awa aum. Yawe Nug anam a, Satan nug aha ukkom.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 20:7

Dimppa maɗ 1,000 uueb, ⌊engel⌋ laa nug heeb, Satan nug geha maniguittak nuhig ooppanu eɗua dimittim dokku.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Job 2:5

Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

2 Stori 18:21

Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Luk 12:23

Bau dayak amu ee lanakib iitta, beɗu nug lamen takkaknuib ele iitta.