Job 2:5 - Nobonob Baibel

⁵ Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 2:5 Referans Kwoze

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Lewitikas 24:15

Ag anam hena malappeg amu, na Israel danab ah appe doyeg! ‘Aun laa nug nuhig Kayak, Nug eheɗ laa aokkunu anak waappa daakkunu akku amu, nug eheɗ aakku ha, nug amunu bu aokku.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Sam 39:10

Amge na da bau laa bu meɗamnanu oɗ medattem! Ao, na bu meɗeɗe, da iikku padal mekkulnu hein daattem.

Job 2:9

Job anam heehe, nug wau uɗia, amegppa aum. “Na gemu ele danab nug dabmak oiyak nuhig ele am tutukkuib daakkutnu dabmenana hettemte? Uuppe! Na Kayak eheɗ laa awaknu anak waappa daakkunu awona, na mauhe!” awa aum.

1 Stori 21:17

Ag anam daanna, Dawit nug Yawe unuqitta aum. “O Yawe, daib danab ban hekkulagnu elele daappig dilag ebqak hekkulagnunab ami. Laa iitta. Daib hipunin hein, eheɗ hemi. Imu ag am sipsip bia aakkuib. Ag aɗi eheɗ heppig? Iitta! Da eheɗ hemi. O Yawe, dahil Kayak, ⌊da hipunin hemi amunu, na anam hekkutnu anidttem dayeb amu,⌋ na da, da baeladppa ele iqakkutnu ool hette, amge O Yawe, oɗe nau danab kuɗum aqe mauhtteb ele, danab ah nahipad imu ii aqamanu oɗ medattem,” awa unuqittom.

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.

Lewitikas 24:11

Nug qak ooppa, Israel ah, gamu Isip ted, nug bekka, nug Israel ted baeg qa, nug Yawe eheɗ laa awaknu anak waappa daakkunu aum. Yawenu nai aum, amuppa nug Yawenu dabittak nai mattiom. Nug anam heum amunu, ag danab amu Moses toppa ⌊hettoɗiak hekkunu⌋ aon goppig. Nug anig am onig Selomit. Nug am Dibri aɗeg, Israel dilag huu okkai laa Dan, amuppanu.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Job 2:6

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Nug na eppenppa daatte, amge na Job heppe mauhkkunu aib heme! Guittak medakkut aakkuib,” awa aum.

Aisaia 65:3

Danab ah amu ag am hanhan da noolppanab eheɗ henana, ag datta appa doɗ main, kayak hambuppuak mattanna, ag qaɗab brikppa hak kalu danab ile muttuɗig enanag bette ele main, ahilkad kayak hambuppuak mattanna heeg, da oppoɗil bette.

Job 1:12

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Keeke nuhikkud oh amu, na amuppa aɗi hekkutnu na eppenppa daatte, amge na Job, nuhigppanab na keeke laa aibnab heme!” awa aum. Yawe Nug anam a, Satan nug aha ukkom.