Job 2:4 - Nobonob Baibel

⁴ Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Job 2:4 Referans Kwoze

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Matyu 6:25

Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee le elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig. Bau dayak amu ee lanakib iitta, beɗu nug lamen takkaknuib ele iitta.

Jeremaia 41:8

Amge danab uɗippig ele oolagppanu danab eblaih laih ele ag Ismael amegppa appig. “Aib iqappeg mauhmut! Aɗinu? Ig wit aeg, bali aeg, olip goɗen am uppuh leppu ele aab dimittim, aben laappa lokkummut daatte ⌊amunu na ii iqakkut dayeb, ig na mettagnig⌋,” aon appig. Ag anam aeg, nug laa oh aqappig, amge nug danab eblaih laih ele amu ii aqom.

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Job 2:5

Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Genesis 47:17

Josep anam a, Isip danab ag doɗ ahilkad diin, Josep noobppa ukkaeg, Josep ee matte, ag maɗ amu ee elele daappig. Ag doɗ diin goppig amu, amuam hos, sipsip, meeme, makau, amu donki ele.

Genesis 47:19

Amunu ig mauhmatanu, wan ihinig ele nauhmanu amu, ig beɗunig, ihinig wan ele na aona, ee mekke! Na anam heppe, ig Paronu maɗi nid daagnig; wan ihinig ele nuhig daakku. Keeke laippuib am anuqak daatte. Ig bau daagnignu, wan ele hele-ettak daamanu, na ee tumu mekke!” aon appig.

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

1 King 20:31

Dayeye, nuhikkud ehanittak anuqak danab ag gona anidna, amegppa inam appig. “Ig nai inam laa deɗ laala doomut. ‘Israel dilag king amu, ag ahilag kobolppa, ag danab laa dilagnu oo mauhaknab doon ehanadtteb.’ Ag anam aeg doomut. Anam amunu, ig inam hetu! Ig lamen heɗiag ele ig imuanigppa takkat, muɗi taliliak ikkinigppa mewota, ig Israel dilag king gumidta gokkunig. Ig anam hekkunignu dayeb amu, nug geha nahipnu oo doyeb, na nitteb ii mauhmana anam oɗ medapput, nug na bau daakkutnu akkutai,” aon appig

Prowerb 13:8

Danab nau ag enub danab aɗan heppeg, nug qagaiettakppa daamanu nuhig en ag madakkunu akkutai. Nug anam heeb amu, en nuhig ehanadkkutai; amge danab nau amu, ag daɗek danab amu hekkulagnu ii aɗamna amunu, daɗek danab nug uug amunu ii anidtte.

Luk 12:23

Bau dayak amu ee lanakib iitta, beɗu nug lamen takkaknuib ele iitta.