Job 2:12 - Nobonob Baibel

¹² Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Job 2:12 Referans Kwoze

Esekiel 27:30

Ag daanna, nahipnu huan mahinna, ag oo doyak okkainab doon gaaglag. Ag gappud aon, ikkilag laidna, ag aab uhuɗ oug meumppa niin, buɗibɗib oiglag.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Nehemaia 9:1

Aria, kalam ebqak eblaih aɗit ele, kalam amunu deɗ 24ppa Israel oh ag qagmeppig. Ag qagmena, ag ee ohnu kud mena daanna, ag lamen heɗiag ele takkan, ag gappud aon, ikkilkadppa meppig.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Revelesen 18:19

Ag anam ana, ag wan gappud agappeg, ikkilagppa teebeb, ag oolag uug ele daan gaanna, inam enan akkulag. ‘O gadonnab gadon! Uub mamelkad oh, ahilkad uub amu yu qaɗeppa oiyakppa ag keeke aona, aab okkai amuppa meeg, daden meegeg, enulag ele daappig amu, aua laippuppa aab okkai amu aakku iitta meum,’ aon akkulag.

Job 19:14

Dahilad, da ele tiig laippu, ag da uuiɗna goppig. Ge, da lailad oh ag dahilnu daulag atiom.

Esta 4:1

Mordekai nug kobol attem beum amunu doya amu, nug nuhig lamen pattiɗa, lamen heɗiag ele awa ma, igippa uhuɗ meum. Anam ha, nug aab okkai ooppa ukka, oo doyak naunab ele doyaya, qala gayom.

2 Samuel 13:36

Nug nai mattia male, haen amuppanab king bekkod ag uɗin benana, ag huana mahinna beeg, king nug nuhig maɗi nid ele ag huana gaappig.

1 Samuel 30:4

Ag keeke oh anam daye anidna, Dawit, nuhig huu ele ag amunu eheɗ qanaegeg ukka ukka, ebehilag oh bodoettom.

1 Samuel 11:4

Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

Ikki Danab 2:4

Yawenu engel nug nai amu Israel danab ah oh amelagppa mattia male amu, Israel danab ah ag huana gaappig.

Genesis 27:34

Aisak anam a amu, Esau nug ooppa kahipan aoɗak bia doya, huan gayaya, nug aum. “O mame, na da, ge da, na da ele itittak ena laa meɗakkutnu oɗ medattem!” awa aum.

1 Samuel 4:12

Aria, Pilistia ag Israel eɗatteg, deɗ amuppa Benyamin danab laa nug lamen nuhig pattiɗa, nug wan gappud igippa mewowa, nug ban hak abenppanu aha, qaietta Silo ukkom.

Esra 9:3

Haen ag da amelppa anam aeg doyen, da dahil lamen elab, lamen nakok elab, da lamen aɗit amu aɗe patiɗaten, da ikkil uɗug, akkaɗil ele laih aɗe hiɗen, da dabmak huanaknab awen, heɗep nein daami.