Job 2:11 - Nobonob Baibel

¹¹ Amu Job nug laikkud ewam laa ele; laa am Teman danab onig Elipas, laa am Suha danab onig Bildad, amu laa am Nama danab onig Sopar. Amu danab ewam amu ag uug oh Job, nuhigppa beum nai doon, ag oh oolag laippu mena, ag anen anen appalag diigppanu ahan, ib imuag adekkuppa nug uɗa tekkulagnu dabmeppigppa, appa nug uɗa tena, ag Job gumidna gona, oo mak ippunidnana, ehanidkkulagnu goppig.

Job 2:11 Referans Kwoze

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Job 42:11

Yawe ehanitte, Job eɗua ena daya, keeke ele daye amu, nug awakkud, amakkud, appinkkud ele, amu laa oh ag nug tatam dooppig ele amu, ag oh uɗin, nug laugppa ee lappig. Ag uɗin, uug oh ⌊ahilag dabmakppa⌋ Kayak he, Job nuhigppa beumnu amu, ag oo mak nai nug mettan, ag anen anen oh silwa men doɗo laippu, eppeg doɗoppanu ring golppa hak laippu ele nug medappig.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

Prowerb 17:17

Aun nug layam genab daatte amu, nug haen oh layagnu oo mauhak dootte; amu awakkud amakkud ele, ag uug haenppa nug ehanittak daaglagnu aakku daatteb.

Job 6:14

Danab nug eɗua ena daakkunu ib laa iinab anidtte ele amu, danab amu nug Laa Nukka Ɠagattag Oh Elenu ebehi oh bodoetta le mekkunu ib apiɗidmanu, nug laikkud ag ehanidkkulag am ena.

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Genesis 25:2

aa nid danab eblaih laippu ele menuadpiɗ. Ag onilag am Simran, Joksan, Medan, Midian, Isbak, Sua ele.

Jon 11:19

amunu, Juda kuɗum ag Marta, Maria ele, aa Lasarus mauhomnu oolah mekkunu ehanatkkulagnu gumatna goppig.

Job 19:21

O da lailad, Kayak Nug eheɗ oiɗom amunu, ag dahilnu oolag gai-iitta doon oolag meɗan ehaniɗkkulagnu oɗ madattem. Ge, ag dahilnu oolag gai-iitta doon oolag meɗan ehaniɗkkulagnu oɗ madattem.

Job 16:2

“Haen kuɗum da nai amubia doyen malami. Ag ehaniɗkkulagnu henana, oo mak nakok laa ii meɗatteb. Ag oh, ag oo mak uɗat nauib hetteb!

Job 6:19

Danab ag en kamel qaɗelkadppa mena, aon gona laih meppeg, laa daden mekkulagnu atu taɗakppa, le iittappa oitteb amu, amunu laa ag Tema danab. Ag oinna, le anidkkulagnu hena oitteb. Ao, keeke laihnu awa dadennu mak danab Sebanu, ag atu taɗak le iittappa oinna, ag le anidkkulagnu dabmak aɗan oitteb.

1 Stori 1:32

Abraham wau amge waunab iitta onig Keturah, nug Abraham ele aa nid imu menuadpiɗ; Simran, Joksan, Medan, Midian, Isbak, Sua ele. Joksan bekoɗ am Seba, Dedan ele.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

Genesis 36:15

Esau alakkud ag aab ikki anen anen mamelkad daappig ele amu, ag onilkad am inam. Esau bekka naanaeg Elipas, nug bekkod, ag aab ikki anen anen mamelkad daappig ele, ag onilag am Teman, Omar, Sepo, Kenas,

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Aisaia 51:19

Uug naunab laippuib ahilagppa ii beum. Iitta! Aɗit bepiɗ amunu, aun nug oo mak madakkunu elele? Uug naunab aɗit ahilagppa bepiɗ laa am, kekeɗ ag uɗin, hatteg nauhppig. Laa am, enug haen nau na he, ag nauhppig amunu, aun nug ehanatteb, ag oolag mekkunu laa iitta.

Prowerb 27:10

Na layap aib daut atiom, na mamen layag ele aib daut atiom. Ao, uug naunab nahip-ppa beeb, na layap mudippan laippu, nug eheɗ doomanu na nug uun, na awan o amap uma daatte, na nug laugppa aib gome. Mudippan laippu miag daatte nug na ehanidkkunu elele; nug na baenadppa uma daatteb eɗattak ehanidkku.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

Job 42:7

Yawe Nug Job amegppa nai amu oh mattia mala, dimppa Nug Teman ted Elipas amegppa aum. “Da nahipnu, na laipaɗ dilahnu ele ool nauhtte. Aɗinu? Ag dahil maɗi nid Job, nug dahilnu nai tutukku mattiom bia ii madippig. Ag eheɗ madippig.

Job 19:19

Da lailad, oiyak laippu, da ag ele ouqak daamut, ag oh dahilnu oolagppa uuaknab dootteb. Ao, laa da ahilagnu ool mauhtte amu, ag da geɗiltteb.

Job 18:1

Job nug anam mattia male, Suha ted Bildad nug oɗeppa awa aum.

Job 16:20

Wan imuppa da lailad ag dahilnu, ‘Keeke hamunab,’ dootteb. Ag anam dooiɗegeg, da Kayak unuqittitti, amel leb huanaknab nette.

Job 15:1

Job nug anam mattia male, Teman danab Elipas nug oɗeppa awa aum.

Job 13:4

Ag amu, ag dahilnu nai hambuppuak huanak maditteb. Ag oh, ag dokta nuhig uɗat pehettak ii heehe, danab ah ehanittak ii aotteb, ag amubia hetteb.

Job 8:1

Job nug anam mattia male, Suha ted Bildad nug oɗeppa awa aum.

1 Stori 1:45

Jobab mauhe, Husam nug abenabppa king ba dayom. Nug Teman wanppan danab.

1 Stori 7:22

Gat danab ag nid aɗit amu aqatteg mauheh, mamelah Epraim nug haen elab mahiatete, nug laikkud tiig laippu ele ag ehanidppeppeg, oo mekkunu uɗieg, nug ele daappig.

Job 42:9

Kayak Nug Teman ted Elipas amegppa anam a, nug, Suha ted Bildad, Nama danab Sopar ele ag oh Yawe aum bia heeg, Job ahilagnu Yawe unuqitte, Yawe Nug nuhig unuqittak doya, laikkud ewam ehanattom.

Obadaia 1:9

Teman am Edomnu aab okkai, amu appan ban danab ag eheɗ nau baɗaglag. Danab oh Edom wanppa daatteb amu, kekeɗ ag aqappeg mauhkkulag.” Yawe Nug anam awa atte.

Genesis 36:34

Jobab mauhe, Husam nug abenabppa king ba dayom. Nug Teman wanppan danab.

Josua 15:41

Gederot, Betdagon, Namah, Makeda ele. Aab amu oh ebqak amu 16. Aab amu taliliattak aab naunau daappig amu, ag amu ele madappig.

Job 4:1

Job nug anam mattia male, Teman danab Elipas nug oɗeppa awa aum.

Job 11:1

Job nug anam mattia male, Sopar, Nama ted, nug oɗeppa awa aum.