Job 2:10 - Nobonob Baibel

¹⁰ Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Job 2:10 Referans Kwoze

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

2 Samuel 24:10

Dawit nug he, Joap aɗi ag ban danab ebaqadna malaeg, Dawit dimppa nug nuhig ooppan oiyak ippunittaknu ulumppa amu, nug eheɗ doya, nug Yawe amegppa aum. “Da hemi imuppa amu, da hipunin okkainab hemi. Da hipunin hemi amunu, O Yawe, da, nahip maɗi nid, da na hipunin dahil uhuqna meɗakkunu ool ohppa oɗ medattem. Aɗinu? Da dabmak tutukku iittappa keeke laa iikku hemi.” Dawit nug Yawe anam unuqittom.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

2 Samuel 13:13

Na imu hekkut dayeb am dahilnu attemnab? Da uɗa nak nau guittak ele doyeye, uukkulnu ib laa iitta. Am nahipnu ele attemnab? Na imu hekkut am, Israel oh ag nahipnu, ‘Nug am danab nau,’ akkulag. Na kobol nau imu ii hemananu, na king oɗ medappe, da na waat daakkulnu ab, i ewau daagnihnu oɗ medattem. Aɗinu? Da doottem, na king oɗ medappe, nug da na waat daakkulnu am aib ii ama,” awa aum.

Genesis 3:17

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Matyu 25:2

Ah makkun tanig ele amu ag dabmak tutukku iitta ele, tanig ele laa amu ag doyak dabmak ena ele.

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

Prowerb 9:13

Ah laa onig Kayak Dab-ii-Maama Hak, ah amu nug baag okkaippa nai maditte. Nug nukka nuhig oiyak ii atognoa enaib oikkunu ii oiya, doyak iitta ele oitte.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Job 1:10

Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

Job 2:9

Job anam heehe, nug wau uɗia, amegppa aum. “Na gemu ele danab nug dabmak oiyak nuhig ele am tutukkuib daakkutnu dabmenana hettemte? Uuppe! Na Kayak eheɗ laa awaknu anak waappa daakkunu awona, na mauhe!” awa aum.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Sam 39:10

Amge na da bau laa bu meɗamnanu oɗ medattem! Ao, na bu meɗeɗe, da iikku padal mekkulnu hein daattem.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?