Job 16:4 - Nobonob Baibel

⁴ Ag da daattem bia daalob, da ag abenlagppa dayeye, da ag maditteb bia ele madikkulnu elele daalom. Ao, da ag amelagppa, ‘Ag eheɗ inam inam hetteb,’ akkulnu, da ag eheɗ heppignu ikkil matuɗen daakkulnu elele daalom.

Job 16:4 Referans Kwoze

Sam 109:25

Danab ah ag dahilnu, ‘Keeke hamunab,’ dootteb. Haen ag da aniɗna amu, ag ikkilag matuɗnana, ⌊‘Nug aakku mauhkku hette,’ atteb⌋.

Sam 22:7

Laa oh ag da aniɗna, ag da aon aon iutteb. Yo, ag da aon aon naunab niɗan, ikkilkad matuɗtteb.

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Jeremaia 18:16

Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

2 King 19:21

Da nai amu doyen, da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Eklisiastis 10:14

Danab nug Kayak dab-ii-maama ii dim lamidtte ele nug nai huan huan maditte, nug nai mattiaknu ii uutte. Laa nug butti aɗi, haen amuppa aɗi kobol bekkulagnu daatteb amu, laa nug amu ii dootte; amu laa aun nug oiyaya mauheb, amu dimppa nug aɗi bekkun daatte laa amegppa ab dokkute?

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Sam 44:14

Na hee, wanppan wan ohppa danab ah ag ig am nau bekkunu at daattem dabmetteb. Ao, wan laalappan danab ah ag aon aon iqan, ihinignu nai eheɗ maditteb.

Job 35:16

⌊Gadon, Job, am anam amunu ig nahipnu inam akkunig.⌋ ‘Job nug hamu hamu nai maditte. Ge, nug nai doyak iitta ele huana aakkuib maditte.’ ” Elihu anam mattia aum.

Job 11:2

“Laa nug nai huanak amubia maditte amu, laa nug noob tutukku iite mettama? Ao, laa anam bia maditte amu, nuhig mattiakppa laa oh ag nuhignu, ‘Danab amu nug tutukkuib haaha, nai maditte,’ akkulagte?

Job 6:14

Danab nug eɗua ena daakkunu ib laa iinab anidtte ele amu, danab amu nug Laa Nukka Ɠagattag Oh Elenu ebehi oh bodoetta le mekkunu ib apiɗidmanu, nug laikkud ag ehanidkkulag am ena.

Job 16:5

Ag da daattem bia daalob, da anam hekkulnu elele daalom, amge da anam ii helom. Iitta. Da ag oolag ɠagattag qettalom. Ao, da oɗelppa ehanittak nai madippi, ag oo mak aon, ag oolagppa guittak okkainab ii doolob.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Jeremaia 48:27

Ag Moap ag Israel aon aon iite aqappig? Ag Moap, ag Israel dilagnu, “Yabhok danab lailkad aakku,” dabmena, ag Israel dilagnu aɗi nai maditteb, ag amu mattinna, ag Israel dilagnu, “Keeke hamunab,” doon, ag ikkilag matuɗtteb, amge amuam genabte amunu ag anam hetteb?

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.