Job 16:3 - Nobonob Baibel

³ Ag ulah naiib ii daye daye mattiglagte? Ge, ag aɗi uug anidna, ag ge iitta da amelppa, dahil dabmak eɗuglagnu nai maditteb?

Job 16:3 Referans Kwoze

Job 6:26

Ag dahil nainu, ‘Nug aum am nau, nug inam alo,’ dabmenan attebte? Ag dootteb, da oolppa da eɗuen, ena daakkulnu nakok laa ii doottem amunu, aɗinu ag dahil nainu, ‘Am nai hamunab,’ dabmetteb?

Job 15:2

“Danab nug doyak dabmak ena ele amu, nug laanu nai nob ma, nai hambuppua ii mattima. Ge, nug ulah gakkaɗak kaɗag uɗitteppanu uɗia, hamu doa gotte, nug amubia ii mattima.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

Matyu 22:46

Jesus anam oɗ matte amu, laippu laa ag oolagppa nai amu nob mekkunu elele iitta dooppig amunu, haen amuppa digmak ag Jesus baula keeke laanu oɗ mettaglagnu baɗana, oɗ ii medappig.

Job 20:3

Na madittem amu, nahip nai amu genab daalo, am da daul batalo; am heeb, da binal iitta daalom. Amge da keeke diignu doyak tutukku doottem amunu, da nahip nai am nob mekkulnu doyeye hettem.

Job 8:2

“Na nai kaliak madittem; amu haen gane laa ele ukkeb, na mattiak amu uukkut? Nahip nai am ulah ɠagattag bia.

1 Samuel 1:7

Kobol amu maɗ kuɗumppa beum. Ge! Maɗ anen anen, Elkana, Hana aɗi ele ag Yawenu mettid haknu peh lakka tena, Penina, nug Hana awa awa qedatta, nug nid aokkunu elele iittanu ge iitta mattieye, Hana nug genab oo uug ele daye, nug gaya, ee ele ii laum.

Job 27:12

Ag matu amu oh anidna malappig. Anam amunu aɗinu ag nai hamu laala huana maditteb?