Job 15:2 - Nobonob Baibel

² “Danab nug doyak dabmak ena ele amu, nug laanu nai nob ma, nai hambuppua ii mattima. Ge, nug ulah gakkaɗak kaɗag uɗitteppanu uɗia, hamu doa gotte, nug amubia ii mattima.

Job 15:2 Referans Kwoze

Job 6:26

Ag dahil nainu, ‘Nug aum am nau, nug inam alo,’ dabmenan attebte? Ag dootteb, da oolppa da eɗuen, ena daakkulnu nakok laa ii doottem amunu, aɗinu ag dahil nainu, ‘Am nai hamunab,’ dabmetteb?

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Job 8:2

“Na nai kaliak madittem; amu haen gane laa ele ukkeb, na mattiak amu uukkut? Nahip nai am ulah ɠagattag bia.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Job 13:2

Ag gemu da ele nai madittem, ag aɗi keeke laa dootteb amu, da ele doottem. Ag da ii eɗiltteb.

Job 15:1

Job nug anam mattia male, Teman danab Elipas nug oɗeppa awa aum.

Job 15:3

Nug nai meu iittappa heeb, layag nug nuhig dabmak eɗukkunu ii hema; nug nai elab, meu iittanab ele ii mattima.

Prowerb 16:23

Danab nug doyak dabmak ena ele nug tatam dabmewowa nai maditte; nug aɗi atte am meu ele, danab laa nug amuppa ippunittak aokkunu elele.

Eklisiastis 5:15

Danab nug anig ooppanu hamu, beɗu miagib ele dotte; nug anam doa, mauhak haenppa nug ele anamib mauhak abenppa eɗua gotte. Nug wanppa uɗat atten atten haaha, keeke awom amu, nug keeke amuppanu aɗitai keeke laa eppegppa awa ii gotte. Hamu gotte.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.