Job 13:12 - Nobonob Baibel

¹² Ahilag nai tutu tutu meu ele, am oiyak ehanittaknu nai tutu ahilag amu, ahilag nai amu oh am ena iitta, uhuɗ bia. Ao, ag maditteb ele am danab nug guppiɗ gai-iitta qala dayaya, ehanittak aokkun dabmette, nai ahilag am anam bia daatte.

Job 13:12 Referans Kwoze

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Aisaia 26:14

Gemu danab okkai ig gumigppig ele amu, ag mauhppig. Ag laa ii daatteb, ag geha eɗun bau ii ahamna. Na bu mattae, ag nauhna autnanab aoeg, danab ah ag gemu danab amu onilag baula ii dabmetteb. Iitta.

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Sam 109:15

O Yawe, na nau hak danab amu heppe, nug wanppa ii daamanu, na hanhan nug alakkud, anig ele dilag hipuninnu dabmekkutnu oɗ medattem.

Sam 102:12

Amge na, O Yawe, na hanhan king daattem. Na binan, onin ele hanhan daakkuib.

Sam 34:16

Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Job 18:17

Nug amubia nauhe, wanppan danab laa nuhignu ii dabmette; nug onig wanppa ii daatte.

Job 4:19

genabnab genab nug danab dilagnu anam doya hekku. Danab dilagnu amu, Nug ag gappudppa hattom. Danab dilagnu amu, ag diilag gappudppa daatte. Danab dilagnu amu, ag am qagapuɗ, laa nug uɗat okkai ii haaha, qagapuɗ he nauhtte, ag qagapuɗ amubia daatteb.

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Genesis 18:27

Yawe anam a, amu Abraham nug aum. “Ehe, da doottem, da amu danabib, amge da nakok baɗeɗe, wagai nakok mein, Naɗi amegppa nai mattimi, amge da baula ele akkul.

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Job 13:11

Ag amu hekkulag dayeb, Kayak antta heeb, ag nuhig ɠagattag haknu baɗak eheɗ nai iite doomna? Ao, ag Nug bu mattamanu baɗak okkai iite doomna?

Job 13:13

Ag oɗelag qamutppeg, da madikkul. Da anam madippi, dimppa aɗi dahilppa bekku am baɗ!

Job 27:1

Job nug anam mattia mala, nug nai tuɗitta aum.

Job 29:1

Amu Job nug anam mattia mala, nug nai tuɗitta aum

Job 21:34

Anam daatte amunu, ag da lailad, ag nai meu iittanab iitta mattinna, ag ehaniɗak attem meɗatteb? Ag dahil nai nob metteb, amge nob ahilag am hambuppuak, kaboliak ele.” Job ag amelagppa anam mattia aum.