Job 10:1 - Nobonob Baibel

¹ Da bau daattemnu amu, da eheɗ nau doottem. Ao, da anam doottem amunu, dahil naittuɗ mak ii lokkumpa. Ge, da oolppa ninig bia doottem amunu, da amu dabmein madikkul.

Job 10:1 Referans Kwoze

Job 7:11

Ag da oɗel qamutkkulnu atteb, amge iitta! Da oɗel ii qamutpa. Ge, da oolppa guittak naɗinab doottem amunu, da diig dookkulnu madikkul. Genab, da oolppa ninig doottem amunu, da amunu naittuɗ mekkul.

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

Namba 11:15

Na tuɗidna, da uug naunab amubia maokkulnu akkutnu dabmettem dayeb amu, da hekkulnu elele iitta amunu, na dahilnu ena doottem dayeb, na iuppe mauhkkulnu oɗ medattem. Na dahilnu oot dootte dayeb amu, na heppe, da uug naunab waappa nauhak ii aopanu oɗ medattem,” awa aum.

Jona 4:8

Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Job 9:21

Da danab ooppa kaliak laa iitta ele daattem, amge da gemu dahilnu dabmak okkai ii aottem; da bau dayaknu ena iinab doottem.

Job 5:20

Enug haenppa Kayak Nug uug amunu qagaiettakppanu eɗua uhuqeb, na ii mauhmana. Ao, ban haenppa Nug heeb, laa qep elabppa ii duut oma.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Aisaia 38:15

Da anam ainne, ⌊gemu⌋ da aɗi akkul? Yawe Nug anam he, kobol dahilppa beum am aakku beum. Uug dahilppa be, ⌊amuppa da doyak aomi⌋ amunu, da dahil bau dayaknu maɗ ohppa amu, da dakka da onil qeppi neeb oikkul.

Job 19:4

Ag da hipunin hemi atteb, amge genab da anam hemi dayeb amu, amuam dahil keeke. Am ahilag keeke iitta.

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

Job 7:16

Da bau dayak dahilnu ena iinab doottem. Da hanhan daakkulnu ool ii daatte. O Kayak, dahil bau dayak am tutunab, omuh ta, paha iitta mette amubia amunu, na da uuiɗppe ⌊mauhkkul⌋ am ena.

Job 6:26

Ag dahil nainu, ‘Nug aum am nau, nug inam alo,’ dabmenan attebte? Ag dootteb, da oolppa da eɗuen, ena daakkulnu nakok laa ii doottem amunu, aɗinu ag dahil nainu, ‘Am nai hamunab,’ dabmetteb?