Job 1:8 - Nobonob Baibel

⁸ Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Job 1:8 Referans Kwoze

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Job 8:20

Ig doottem, Kayak Nug danab nug nuhig neekkakppa danab ooppa kaliak laa iitta ele ii geɗidtte; Nug danab eheɗ hette ele ii ehanidtte.

2 King 23:25

Josaia nug am king enanag. Nug meu ohppa, oo ohppa, ɠagattag ohppa ele Yawe dim lamidkkunu, Mosesnu ɗo nai atte bia heum. Anukka amu king laa Josaia eɗua, Yawe dim lamidkkunu heum bia, laa ii dayom. Iitta. Dimppa ele, king laa nug bia laa ii beum. Iitta. Josaia nug oh eɗattom.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Sam 18:23

Anam amu, Kayaknu neekkakppa da oolppa kaliak laa ii daatte. Ao, da hipunin hepanu, da dakka da hipuninnu awaitten daattem.

Job 34:14

Kayak Nug danab ha, noobppa ulah iwale, bau dayom amu, Nug oo heeb, ulah amu, nuhig Ouɗi ele eɗua aokku dayeblob,

Job 12:4

Anukka da Kayak unuqitti, Nug dahil unuqittak doya, nob ena da meɗom, amge gemu da lailad ag da eheɗ imiɗtteb. Ge, da am genab tutukku hak danab, da Kayaknu neekkakppa danab ooppa kaliak laa iitta ele daattem, amge gemu laa oh ag dahilnu, ‘Keeke hamu,’ doon, ag imiɗtteb.

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Esekiel 40:4

Da danab anam dayeye anitti, nug da amelppa aum. “Danab bekka, da na aɗi ippunidkkul amu, na amenppa pehettan neegna, dautppa ele pehettan doon, keeke amu oh pehettak dabmette! Aɗinu? Na anam hekkutnu Kayak Nug he, na ippa uɗime. Amu na aɗi keeke digdig anidkkut amu, na amu oh Israel danab ah amelagppa appe doyeg!” awa aum.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Sam 36:1

Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Josua 1:2

“Moses, dahil maɗi nid, nug mauhom, akkunu amu, gemu na, aria Israel danab oh ele ag da wan ag madattem ele, ag wan amu aoglagnu, ag Jodan le mataɗkkulagnu babaitteg!

Job 2:1

Aria, deɗ laa ele engel ag Yawe ag aɗi aɗi hetteb ippunidkkulagnu Nug gumidna gona daaegeg, Satan nug ele appa ukke, oh daappig.