Job 1:3 - Nobonob Baibel

³ Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Job 1:3 Referans Kwoze

Job 29:25

Haen amuppa amu, da ahilag okkai dayeye, da ib ippunadmi. Ao, da king laa, nuhikkud daup oolagppa daatte, da amubia ag oolagppa daami. Ge, da laa nug laikkud laa ag mahiak henan daaeg, nug ag oolag ɠagattag qedatte, da amubia ag oolagppa daami.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

1 King 4:30

Solomon nug doyak, dabmak ena ele amu okkainab, aam bedeppanu doyak dabmak ena ele danab, amu dilag doyak oh eɗitta, Isip dilag doyak dabmak ena ele danab, amu dilag doyak oh ele eɗittom.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Genesis 12:16

Omalna ukkaeg amu, Paro nug Abram keeke kuɗum Sarainu nob ena mettom; doɗ iɗu iɗu, amuam sipsip, makau, donki anig, dawai ele, amu kamel ele. Nug maɗi nid maɗi ah ele mettom.

Genesis 12:5

Abram, nug wau Sarai, aria nug awag bekka Lot, nuhikkud daup danab Harannu diiom, amu keeke oh Harannu awom ele amu, nug amu oh diie, ahan Kanan wanppa goppig.

Genesis 29:1

Aria, Jakop ukka ukka, nug danab ah wan laa aam bedeppa daatte, ag appa daatteb ele amu, nug wan amuppa ta,

Genesis 13:6

amunu, aa oh aben laippuppa daaglahnu elele iitta.

2 Stori 32:29

Kayak he, Hesekaia nug en okkai, naɗi ele amunu, nug aab laala kala hatta, nug makau, sipsip, meeme ele huanak awom.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

2 King 3:4

Amu Moap dilag king Mesa nug sipsip kuɗum bekkadttom. Amu nug Israel dilag king waappa dayom amunu, nug haen oh maɗ ohppa sipsip nakkud 100,000, takis bia, Israel king medatta, amu sipsip dawai 100,000 uɗilag, amu ele medattom.

1 Samuel 25:2

Aria, enub danab laa, nuhig en am okkainab ele, nug onig am Nabal. Nabal nug am Kalep huuppan danab, amu nug appag diig am atu onig Maon, appa. Nug wau onig amu Abigel. Abigel nug iɗu tuqak enanag; nug dabmak pahaettak ele, amge Nabal nug am danab oo nauhe oiyak ele. Nug laa guittak paha medakkunu ha oiyom. Nabal nug meeme 1,000 am sipsip 3,000 ele. Anam amu, nug nuhig wan maha laa aab Karmel guguittak dayom, amu haen laa nug appa sipsip uɗilag hoyak uɗat heum.

Ikki Danab 6:5

Aɗinu? Kekeɗ amu ag ahilkad doɗ ele uɗin, peh buualadppig, ag am huanaknab amunu, danab dilag neekkakppa amu, wan qaɗeppa tap-lokus kuɗumnab daatteb bia daappig. Danab amu, ahilkad kamel ele am ebqaknu elele iitta. Ag Israel dilagppan keeke oh aoglagnu uɗippig.

Genesis 34:23

Ag dabmena antteg! Ig anam hekkunig amu, dimppa doɗ ahilag, enub ahilag, makau ahilag ele am ihinig daakku amunu, ag appig bia ig anam hepput, ag ig ele oignig,” aoya apiɗ.

Genesis 25:6

nug ele bekkod laa, ag anilti am nug wauuɗ amge wauuɗnab iitta amu, nug aa bekkalti keeke ahilkad daakkunu hamu mattom. Matta malowa amu, nug ag nug bekka Aisak uuidna gokkulagnu a, ag laih kaɗag uɗitteppanu gona, wan amuppa daanna oippig.

Ikki Danab 8:10

Haen amuppa amu Seba, Salmuna ele aa, ahilti ban danab 15,000 ele ag aab Karkor daappig. Ag, aria ban danab kaɗag uɗitteppanu, ag aakkuib appa bau daappig. Laa oh mauhadna malappig. Israel danab ag ban danab 120,000 am aqappig.

Ikki Danab 7:12

Am ban daup Midiannu, Amaleknu, amu kaɗag uɗitteppanu danab ele, ag tap-lokus bia happutna, oolnu noakppa aben aon daappig. Ahilkad kamel ebaqaknu am kuɗumnab, yu ihippa ihi bia daappig; laa ebaqadkkunu elele iitta.

1 Samuel 27:9

Aria haen Dawit nug nuhikkud danab ele ag banelag ukkaeg, danab huu ewam amu laih adekkunu ele ban henana, ag danab ah oh aqatteg mauhadttappig. Laippu laa uueg ii dayom, amge sipsip, makau, kamel, donki, lamen keeke, ag keeke amu ag aon gona, eɗun Akis toppa goppig.

Job 1:4

Amu Job bekkod ag anen anen ahilag haenppa ag laulkadppa hobul heppig. Ag anen anen anam henana, ag hobul heppig haen amu ohppa ag appinalkad ele onilagppa eeg doeg, ag oh daan, ee, le ele lappig.

Job 1:10

Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

Job 21:28

Aɗinu? Ag inam atteb. ‘Danab okkai, ⌊nug hipunin heum ele amu,⌋ nug laug gemu adeppa daatte? Ao, nau hak danab dilag peh lag, ag amuppa daappig amu, peh amu adeppa daatteb?’

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,

Job 31:37

Nug anam heeb, da anam hein, da keeke ohnab da hemi appi doolo. Ao, da king bekka bia nug gumitten golom.

Job 42:10

Amu Job nug laikkud ewam dilagnu unuqitta male, Yawe Nug Job ehanitte, nug eɗua, keekenu elelenab baula dayom. Yawe he, Job tatam doɗ keeke, gane dayom amu, gemu nug amu eɗittak, kuɗumnab ele dayom. Anukka aɗi doɗ keeke, laippu dayom amu, gemu aɗit daapiɗ.

Jeremaia 49:28

Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 32:14

meeme anig 200, meeme dawai 20, sipsip anig 200, sipsip dawai 20,

2 Samuel 12:2

Enub danab nug sipsip, makau ele huanak.

2 King 15:20

Menahem nug 34,000 kilogram silwa amu Asiria dilag king, Tiklat Pileser medakkunu ha, nug danab men doɗo ele, amu oh dilagppa laib laib 600 gram silwa takis dayaknu awa mettom. Mette, Tiklat Pileser nug Israel uuatta ukkom.

1 Stori 27:30

Ismael buɗubppan danab Obil nug Dawitnu kamel gumak uɗat gumom. Meronot ted Jedea nug donki gumak uɗat gumom.