Job 1:21 - Nobonob Baibel

²¹ nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 1:21 Referans Kwoze

Eklisiastis 5:15

Danab nug anig ooppanu hamu, beɗu miagib ele dotte; nug anam doa, mauhak haenppa nug ele anamib mauhak abenppa eɗua gotte. Nug wanppa uɗat atten atten haaha, keeke awom amu, nug keeke amuppanu aɗitai keeke laa eppegppa awa ii gotte. Hamu gotte.

1 Timoti 6:7

Aɗinu? Ihinkad menuak haenppa ig keeke laa ele ii domut; mauhak haenppa ele ig keeke laa aot gokkunignu elele iitta

1 Tesalonaika 5:18

Wanppan oiyak ahilagppa aɗi aɗi bette amu, ⌊Kayak Nug ag ehanadtte amunu,⌋ ag amunu Nug amegppa, “Ena heme,” aon aig! Ag Kristus Jesusnu daatteb amu, Kayak Nug ag kobol anam hekkulagnu oo daatte.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Epesus 5:20

Ag haen oh ihinig Naɗi Jesus Kristus onigppa keeke ohnu Kayak Mamenig amegppa, “Ena heme,” aon aig!

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Sam 49:17

Aɗinu? Ag mauhna, ag keeke laippu laa iinab aon ele gomana. Ao, ag moɗppa ahilag en ele akkan ii nomana.

1 Samuel 2:7

Yawe Nug he, danab laa ag keeke iitta ele daatteb; Nug he, danab laa ag keeke kuɗum ele daatteb. Ao, Nug he, danab laa ag onilag iitta ele daatteb; Nug he, danab laa ag onilag ele daatteb.

Gayak Nai 3:38

Keeke ena, keeke uug naunab ele; keeke amu oh Kayak Attannab Laa Oh Eɗattak nai maditteppa iite bette?

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Matyu 20:15

Nug anam ana, nug tuɗitta aum. ‘Da dahil keekeppa, keeke laala hekkulnu ool dayeb amu, da hekkulnu elele iittate? O iitta, da danab imu laa oh ehanadkkulnu hettem amu, na amunu amen qe, oot elele ii daattete?’ ” Jesus Nug anam aum.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Aisaia 42:24

Aun nug he, laa ag Jakop buɗub eɗadna diin gokkulagnu elele daatteb? Aun he, ban danab ɠagattag ag Israel buɗub eɗadna, ahilkad keeke, ag ele, ag eppelagppa aɗaglagnu elele daatteb? Am Yawe Nug amu iite heum? Ig Israel danab ah, ig Yawe, nuhigppa hipunin hemut. Nug kekeɗ ehanattomnu diig amu, ig Israel ig Nug dim lamidkkunignu uumut. Israel danab ah ag Yawe ippu ii dim lamidppig. Ag nuhig ɗo tappaeg neum.

Sam 34:1

Da Yawe haen oh binag mekkul. Ao, da hanhan Nug binag mekkul.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

Genesis 45:5

Ag anam heppig, amge kobol amunu ag uug aib aqom. Ag agakka aib nug aidppig. Aɗinu? Kayak Nug he, da danab ah bau daaglagnu anuqen uɗimi.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Aisaia 24:15

Ag anam hekkulag amunu, danab ah laih aam bedeppa daatteb amu, ag Yawe binag amahlak oppiaawak ele mekkulag. Ao, ag danab ah aam nodeppa daatteb, ag oh Yawe binag mekkulag. Yawe Nug am Israel dilag Kayak.

Eklisiastis 5:19

Laa ele amu, haen Kayak Nug danab laa en keeke metta, Nug he, danab amu nug keeke amuppa gamag ahak aokkunu elele daatte, Nug he, danab amu nug nuhig wanppan oiyaknu elele dootte, Nug he, danab amu nug nuhig uɗat hekkunu ele gamag ahak dootte amu, amu oh am Kayak eppegppanu, danab amu, nuhig daakkunu keeke laa aakku.

2 King 20:19

Nug anam a, Hesekaia nug nuhig dabmakppa, “Dahil haenppa ig maɗoɗ, baɗak ele iitta daagnig,” dabmeum amunu, nug eɗua Aisaia amegppa aum. “Na Yawenu nai da meɗame ele, nai amuam nai ena,” awa aum.

1 King 12:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Yawe Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Genesis 30:2

Anam a amu, Jakop oo nauhe, nug Rahel amegppa aum. “Da Kayak abenab aokkulnu elele iitta. Nug nukka na oot qakkom amunu, na nid ii menuttem,” awa aum.

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

Rut 1:21

Da aab imu uue gomi haenppa amu, da keeke laan tutu mak iitta, amge Yawe Nug he, da eɗuen uɗien, tutunab daattem. Amu aɗinu ag dahilnu, Naomi, aon atteb? Yawe Nug uug okkai da meɗom. Ao, Laa Nukka Ɠagattag Oh Ele Nug uug naɗi da meɗom.” Naomi anam awa aum.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Job 9:12

Nug keeke laa danab eppegppanu aɗitta aokkunu heebeb amu, laa nug ii aomanu akkunu elelete? Iitta! Ao, laa nug Nug amegppa, ‘Na attem hena aottem,’ akkunu elelete? Iitta!

Sam 34:2

Da Yawe Nug attem attem heum amu, da amunu Nug binag mettem; laa ag oolagppa elele iitta dootteb ele amu, ag dahil nai doon, ag oolagppa ɠagattag qak dooglagnu ool daatte.

Eklisiastis 5:14

o iitta, nug enub okkai awe, uug atten ba he, enub okkai amu iitta mette amunu, danab amu nug bekka keeke nakok laa medakkunu elele iitta.