Job 1:11 - Nobonob Baibel

¹¹ Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 1:11 Referans Kwoze

Job 2:5

Amge na Job ii ehanidna heppe, nug beɗu nauhebeb, mauhkkunu haaha, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 19:21

O da lailad, Kayak Nug eheɗ oiɗom amunu, ag dahilnu oolag gai-iitta doon oolag meɗan ehaniɗkkulagnu oɗ madattem. Ge, ag dahilnu oolag gai-iitta doon oolag meɗan ehaniɗkkulagnu oɗ madattem.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

Revelesen 16:21

Amu ais maha, ahilag uug anen anen amu 50 kilogram anam, habppanu nena, danab qaɗelkadppa neppig. Ais okkainab amu nak am naunab nau amunu, ag Kayaknu dabittak nai appig.

Revelesen 16:9

Danab ag gakkaɗak huanaknab amu anam ewatta auta awe, ag Kayak Nug keeke nau danab uug okkai madatteb amu oh gumattom ele, ag nuhignu dabittak nai anana, ag oolag ii eɗuom, Kayak binag amahlak oppiaawak ele ii medappig.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Sam 105:15

Nug okkai danab amelagppa aum. “Ag dahilad, da goɗen gokkaɗakppa tituanadmi amu, ag amu dilagppa eheɗ laa aib heppig. Ao, ag dahil propet guittak aib madappig,” awa aum.

Job 4:5

Na ag anam ehanadme, amge gemu uug laa nahip-ppa be, nahip dabmak am qe nak daatte. Yo, uug amu na nitte, na oot uug nau qak daatte.

Job 2:9

Job anam heehe, nug wau uɗia, amegppa aum. “Na gemu ele danab nug dabmak oiyak nuhig ele am tutukkuib daakkutnu dabmenana hettemte? Uuppe! Na Kayak eheɗ laa awaknu anak waappa daakkunu awona, na mauhe!” awa aum.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 1:12

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Keeke nuhikkud oh amu, na amuppa aɗi hekkutnu na eppenppa daatte, amge na Job, nuhigppanab na keeke laa aibnab heme!” awa aum. Yawe Nug anam a, Satan nug aha ukkom.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Genesis 26:11

Abimelek anam anan amu, nug ɗo ɠagattag inam meum. “Danab laa nug kobol eheɗ laa Aisak, wau ele dilahppa hekku amu, nug mauhkkuoittenab,” awa aum.

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.

Aisaia 65:3

Danab ah amu ag am hanhan da noolppanab eheɗ henana, ag datta appa doɗ main, kayak hambuppuak mattanna, ag qaɗab brikppa hak kalu danab ile muttuɗig enanag bette ele main, ahilkad kayak hambuppuak mattanna heeg, da oppoɗil bette.

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Job 2:6

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Nug na eppenppa daatte, amge na Job heppe mauhkkunu aib heme! Guittak medakkut aakkuib,” awa aum.

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.