Job 1:10 - Nobonob Baibel

¹⁰ Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

Job 1:10 Referans Kwoze

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 90:17

Naɗi, na ihinig Kayak, nahip itittak ena ihinigppa daakkunu oɗ medattem. Ao, ig aɗi keeke oh hettem, amuppa na ig ehanigppe, ihinig uɗat meu okkunu unuqidttem. Ge, ig aɗi keeke oh hettem, amuppa na ig ehanigna heppe, meu okkunu oɗ medattem.

Duteronomi 7:13

Nug ag ahilagnu oo mauheb, ag itatta heeb, ag appatna, kuɗum bekkulag. Nug geha heeb, ag nid naunau kuɗum ele daappeg, Nug heeb, wan ahilag ittag ele dayebeb, doɗ ele ag mattoi ii daamna. Haen ag wan Nug ag mamelkad aɗi madakkununab nuhig nai ɠagattag qetta aum ele, amuppa nona amu, ag en kuɗum ele daaglag: amuam ee aeg, wain bau, olip goɗen, amu makau, sipsip, meeme ele, ag amu kuɗum ele daaglag.

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Aisaia 5:5

⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

1 Samuel 25:16

Amun tuqan ele haen ig ag gukkuadta oita, sipsip gumadtat oitut, danab amu ag am ihinig aɗ ɠagattag ig taliligna daappig.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Sam 71:21

Na da binal tuɗid meɗan, na da baula oo mak meɗakkut.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

Genesis 30:43

Ib amuppa amu, Jakop enub kuɗum ele dayom; sipsip, meeme, kamel, donki ele, amu nuhikkud maɗi nid maɗi ah ele, ag ele am kuɗum.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Sam 80:12

Anam, amge na nuhig aɗ talilittak hak amu loppaɗe ne, gemu amu, aun laa nug ib amu ugakka, nug grep meu mauhnoak aotte. Am anam daatte amu, da na amunu diig appe dookkulnu oɗ medattem.

Sam 5:12

Aɗinu? Amu O Yawe, na genabnab danab ah ag genab tutukku hak kobol dim lamidtteb ele itadttem. Ao, na ii helom bia me, na hee, nahip ehanittak amuam guppiɗ bia taliliatta daatte.

Job 29:6

Haen amuppa da keeke kuɗumnab ele. Ge, olip goɗen huanak, menppa gokkaɗa nelo, amubia dahil dayom.

Duteronomi 33:11

O Yawe na Lewi buɗub amu itadna, ahilag uɗatnu ootppa ena dookkunu ool daatte. Ao, na kekeɗ ahilkad hadappe nauhkkulagnu oɗ medattem. Na ahilag kekeɗ ag eɗun ahan ɠagattag daamnanu, na aqappe nauhkkulagnu unuqidttem,” awa aum.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Job 29:2

“Da anukkan haennu ool gaatte. Ao, da haen Kayak Nug da atognoiɗa he, da enaib daaminu gaattem.