Job 1:1 - Nobonob Baibel

¹ Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 1:1 Referans Kwoze

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

Esekiel 14:14

danab ewam imu, Noa, Daniel, Job ele, danab ewam amu wan amuppa daaloblob, ag genab tutukku hak danab amunu, ag ii mauhmana, amge ag danab ah laa oh ehanadppeg, ag bau daaglagnu elele iitta.” Naɗi Yawe Nug anam awa atte.

Esekiel 14:20

da Naɗi Yawe, da genab bau daattem, genab amubia da inam attem. Danab ewam amu, Noa, Daniel, Job ele, danab ewam amu ag wan amuppa daaloblob, ag ag bekkalkad aɗelkad ehanadppeg, bau daaglagnu elele iitta. Danab ewam amu ag genab tutukku hak danab amunu, ag ii mauhmana, amge ag laa amu ehanadppeg bau ii daamna.” Naɗi Yawe Nug anam atte.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

Jeremaia 25:20

Da Isip danab ah lakkulagnu anam matte, danab ah atu laihnu uɗin, Isip wanppa daatteb ele, da ag ele lakkulagnu mattami. Amu dimppa da Us dilag king, Pilistia dilag king anen anen ele mattami. Pilistia dilag king amuam Askelonnu, Gasanu, Ekronnu, amu danab ah Asdot appanu ii mauhppig daatteb, amu dilag ele.

1 Stori 1:42

Eser bekkod am Bilhan, Sawan, Akan ele. Disan bekoɗ am Us, Aran ele.

1 Stori 1:17

Sem bekkod am Elam, Asur, Arpaksat, Lud, Aram ele. Aram bekkod Us, Hul, Geter, Mesek ele.

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Genesis 36:28

Disan bekoɗ am Us, Aran ele.

Genesis 10:23

Aram bekkod am Us, Hul, Geter, Mesek ele.

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

Duteronomi 18:13

Ag Yawe, ahilag Kayak, ag nuhig neekkakppa danab oolagppa kaliak laa iitta daaglagoitte.

Job 4:6

Na ebehin oh Kayaknu bodoetta le mette amunu, na qinob Kayak eɗua ehanitteb, na ena daakkutnu dabmak aɗan oikkutnu elele iittate? Ao, na Kayaknu neekkakppa danab ooppa kaliak laa iitta ele daattem amunu, na eɗun, ena bekkutnu dabmak aɗan oikkutnu elele iittate?

Job 9:21

Da danab ooppa kaliak laa iitta ele daattem, amge da gemu dahilnu dabmak okkai ii aottem; da bau dayaknu ena iinab doottem.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 20:7

Genab tutukku hak danab nug oiyaya, nug Kayaknu neekkakppa danab ooppa kaliak laa iitta ele daatte; nug ena anam heehe, nug bekkod aɗekkud ele nug dim lamidtteb amu, ag itittak ena aotteb.