Jeremaia 9:11 - Nobonob Baibel

¹¹ Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Jeremaia 9:11 Referans Kwoze

Aisaia 25:2

Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Jeremaia 10:22

Ag daulag human doyeg! Oqotti okkai wan laa yawalti uɗitteppanu daatte, appanu uɗitte! Amuam kekeɗ huanak ag appanu uɗiegeg, oqotti otte. Ag uɗin heppeg, Juda dilag aabppa danab ah qainqainib daappeg, aab am nauhakib daaglag. Ao, doɗ jakal, ag aguppa daaglag.” Da anam ami.

Aisaia 34:13

Uud keeke qaun ele ba, aab ooppa aben aɗ ɠagattagnab ele tonakku. Ao, muɗi qaun digdig ele bena, ban haknu aben ɠagattag ele tonaglag. Wan amuppa doɗ jakal ag daaglag. Ao, hipunai ag aguppa daaglag.

Aisaia 13:22

Doɗ haaina ag geha uɗin, ban haknu aben ɠagattagppa daaglag. Ao, doɗ jakal, ag uɗin, kingnu lag enanagnab, ag amuppa ele daaglag. Ag anam daanna, ag appa gaaglag. Babilonnu haen aakku iitta mekkunu hette. Da nuhig haen tuɗidppi, nakok laa ele ii daama.” Yawe Nug anam atte.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Gayak Nai 3:47

Ig baɗak eheɗ nau doot, ig neta qekkunignu oita; ig nauhta, padal memut.” Ig anam aot unuqidtu!

Gayak Nai 2:2

Naɗi Nug oo gai-iitta doya oo metta ehanittak kobol ii dabmaama, Juda danab ah ii ehanattom; iitta, Nug he, kekeɗ ag uɗin, Juda danab ah, ahilkad keeke ele danab ee toppua ukke nauhtte bia hatteg nauhppig. Yawe Nug ⌊Juda dilag eheɗ haknu oppoɗi be⌋ he, kekeɗ ag Juda dilag ban haknu aben ɠagattag heeg nauhppig. Ao, Nug he, kekeɗ ag heeg, Juda uɗa nak aoeg, ahilag ɗo maɗoɗ am binag ele iinab daye, Juda dilag anuqak danab ele ag anamib, binalag ele iinab daatteb.

Jeremaia 34:22

Da appi, Babilon dilag king, nuhikkud daup ele ag eɗun, aab okkai imuppa daanna, ban hekkulag. Ag aab imu eɗidna aon, ag manappeg eokku. Amu da heppi, Babilon dilag daup ag Judanu aab heppeg nauhattakib daappeg, danab ah laala ag amuppa daaglagnu elele iitta daaglag.” Yawe Nug anam awa atte.

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Jeremaia 25:11

Wan imu oh am hele-ettak, wan meu waknu nakokib elele ba dayebeb, wan imuppan danab ah ag Babilon dilag king waappa daan, ag nuhig maɗi nid maɗ 70 daaglag.

Sam 79:1

O Kayak, iitta aɗi danab ag nahip wan aoppig daatteb. Wan amuam nahip, am na aut daatte. Ao, ag nahip mettid lag nahipnu tituanak daatte, ag lag amu heeg, nahip neekkakppa dubuttid tak ele daatte. Ge, ag heeg, Jerusalem am kinipan ameg okkai hume tak, anamib daatte.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Maika 1:6

Am Yawe Nug inam atte. “Eheɗ hak am anam daatte amunu, da heppi, ⌊kekeɗ⌋ laa ag heppeg, Samaria am kinipan ameg okkai hume tak daakku. Ao, aab dayom abenppa am muɗi grep eppaknu aben daakku. Da heppi, ag aabnu men amu oh ehalppeg, oolnu noakppa gokku. Ao, da heppi, aab okkai Samaria, nuhig men ukku ele miagib daakku.

Jeremaia 26:9

Anam anana, ag nai tuɗidna appig. “Aɗinu na, ‘Yawe Nug dimppa aɗi bekkunu nai imu meɗe madittem,’ anana, nai imu mattime? Na ame. ‘Yawenu lag Jerusalem daatte imu geha aab onig Silo, Nug he nauhom, lag imuam amubia daakku; aab okkai imuam hele-ettak daakku; amu danab ah ippa ii daamna,’ aon ame,” aon appig. Ag anam anana, danab ah oh ag Yawe laug ooppa Jeremaia talilidna daappig.

Jeremaia 25:18

Da tatam hei, danab ah Juda appa daatteb, Jerusalem ele daatteb, ahilkad king, nuhikkud ehanittak anuqak danab ele ag nauhak daappeg, laa ag anadna, amelag iɗuak doon, ahilagnu, “Keeke hamunab,” doon, ag eheɗ laa awaknu anak waappa daaglagnu akkulagnu lappig. Lanak dimppa anamnab be, aakku daatte.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Nehemaia 4:2

Nug awa awa iqaaqa, nug laikkud amelagppa, Samaria dilag daup ele amelagppa aum. “Juda danab imu, ebehilag iitta ele, ag attem dabmena hetteb? Ag eɗun, aɗ hekkulagte? Ag eɗun, doɗ manadna, ahilag Kayak mettaglagte? Ag uɗat dabmetteb ele am paha malaglagte? Ag men kekeɗ loppaɗeg nena, aab ewakppa nauhppig, kinipan ameg okkai hume tak niitteb amu, ag amu eɗun aon, keeke laa hekkulagte?” awa aum.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

Lewitikas 26:32

Da heppi, ahilag wan am nauhaknab daakku. Amu kekeɗ ahilkad ag appa daaglagnu daanna, ag he nauhak amu anidna, dabmak huanaknab aoglag.

Sam 44:19

Amu na hee, ig padal meut, na ihinig wan hee, doɗ jakal ag amuppa daatteb. Ao, na hee, gatatu naunab ig tonikkom.

Jeremaia 1:15

Aɗinu? Da Yawe, da attem. Da wan laalappan huu Yawalti uɗitteppanu daatteb amu, da ag onilagppa ekkul. Da heppi, ahilkad king, daup ele ag uɗin, ag Jerusalem, Juda dilag aab laala ele ban henan, ag eɗadkkulag. Ag eɗadna malona, ahilkad king ag Jerusalemnu aɗ odppa ahilkad sia king qappaladna, ag aguppa daaglag.

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 44:2

“Yawe Nukka Ɠagattag Oh Ele, Israel dilag Kayak, Nug inam atte. ‘Ag uug naunab nau da hei, Jerusalem, Judanu aab laa ohppa ele beum anidna malappig. Gemu aab amu ag hamu daatteb. Danab ah appa ii daatteb, nauhakib daatteb.

Jeremaia 49:33

Ag gona anam heppeg amu, aab Hasor appa amu, doɗ jakal ag daaglag. Aab amu hanhan hele-ettak daakku. Danab ah appa ii daamna. Ao, danab laa appa ii daama.” Yawe Nug anam atte.

Jeremaia 50:3

Wanppan wan laa, yawalti uɗitteppanu daatteb, ag banelag uɗin, Babilon ele ban hekkulag. Ag heppeg, Babilon wan am nauhakib daakku. Laa appa ii daama. Danab, doɗ ele ag oolna gokkulag,’ aon aig!”

Gayak Nai 1:4

Hobul dayaknu haen epeɗiakppa amu, gemu laa nug Sion ta, hobulppa ii daatte; amunu ib oh Sion tetteb ele, ib amu danab daalob, ag mahiak okkai helob. Jerusalem ooppa ukkaknu aɗ od ohppa gemu danab ah doa wanak ii hetteb. Aben amuppa danab laa ii daatte. Juda dilag mana mettak danab ag aiqakkanna daatteb; ah makkun ag mahitteb. Juda danab ah oh ag danab ooppa kahipan toɗe, mauhak bia dootte, amubia ag uug naunab dootteb.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Jeremaia 16:10

Am na, Jeremaia, na danab ah imu amelagppa anam appe, ag na amenppa inam akkulag. ‘Aɗinu Yawe Nug uug naunab amu ihinigppa heeb bekku? Ig aɗi eheɗ hemut? Ig Yawe, ihinig Kayak, ig nuhigppa aɗi hipunin hemut?’ aon akkulag. Ag anam appeg amu,