Jeremaia 8:14 - Nobonob Baibel

¹⁴ Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Jeremaia 8:14 Referans Kwoze

Jeremaia 23:15

Propet Jerusalem daatteb, ag amu hetteb amunu, Yawe Nukka Ɠagattag Oh Ele, nug propet amu dilag inam atte. “Da heppi, ag danab uud ad tiig mua ele lana, ena ii dootte, ag amubia dooglag. Ao, da heppi, ag danab uud tiig mua nau ele lana eheɗ aotte, amubia ag bu dahil eheɗ aoglag. Aɗinu da amu hekkul? Propet Jerusalem daatteb ag heeg, kobol nau, amuam dahilnu, dahil haknu ele uuak kobol, kobol amuam Juda wan oh tonappig daatte,” awa atte.

Jeremaia 9:15

Juda danab ah ag Yawe anam dimettan, eheɗ oitteb amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Antteg! Da heppi, uug danab ah imu dilagppa bekku. Uug amuam danab nug uud ad tiig mua ele latte, uud tiig mua nau ele latte, amubia daakku.

Gayak Nai 3:19

Da uug nau doomi, da atu laih laih, appal diig iittappa yawaien oiminu ele dabmettem. Ge, da eheɗ nau, kahipal toɗom bia dabmein daattem.

Jeremaia 35:11

Ig mamenig anukkanu anam haknunab anak amu mekke, ig dim lamittutut uɗie, gemu ele hettem, amge Babilon dilag king Nebukatnesar nug wan imu aokkunu nuhikkud daup ele ban hekkulagnu uɗin, wan imuppa beeg, ig amut. ‘Ahappeg, ig Babilon dilag daup, Aram dilag daup ele eppelagppa daamtanu, ig gota, Jerusalem appa teta, nakok daagnig,’ amut amunu, ig uɗit, ippa Jerusalem iikku daattem.” Rekap buɗub ag Jeremaia amegppa anam appig.

Matyu 27:34

Ag appa tena, ag Jesus wain marasin laa ele kaboliak, Nug amu lakkunu medappig, amge Nug nakok lemaɗuppa ya anttowa, Nug baula ii laum.

Sam 69:21

Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

2 Samuel 20:6

Amasa nug haen anam eɗittom amunu, Dawit nug Abisai amegppa aum. “Amasa nug paha eɗua ii uɗitte amunu, gemu Bikri bekka Seba nug uug okkainab megakku. Apsalom nug uug okkai mekkom, amge Seba nug uug okkainab megakku amunu, na dahilad daup ippa daatteb ele noolag aoppe gona, Seba lamidkkulag. Iitta dayeb amu, nug aab okkai laa, aab amuam aab ɠagattag aɗ ele amu, nug aab amuppa teeb, ig nug aognignu elele iitta daakku,” awa aum.

Duteronomi 29:18

Ag anam anadppig amunu, ag oolagppan laa, am danab laate, o ah laate, o aab ikki laate, o Israel dilag huu okkai laate, amunu laa nug Yawe, ihinig Kayak, nug Nug dimetta, laihnu danab amu dilag kayak hambuppuak noolagppa dup noa binag mak kobol hemanu dabmeig! Ge, diɗi laa keeke nau aɗit he bettep, laa am uud tiig mua nau ele, laa am uud ad tiig mua ele, diɗi amu keeke amu he beya, keeke heeh nauhtteb, amubia kobol nau ahilagppa bemanu ag dabmeig!

Sekaraia 2:13

O danab ah oh ag Yawe noobppa toettan daan, bakkum dayeg! Aɗinu? Nug hab aab, amuam aab oppiaawak ele, Nug appanu uɗitte.

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Amos 6:10

Amu tiilag laippu aɗit laa aa uɗiya, gaɗalag aoya gokkulahnu uɗiya heyaya, laa nug laa, “Gaɗa laa anidmete?” oɗ metteb, laa nug amegppa, “Iitta,” akku. Nug anam ab amu, laa oɗ meum ele nug akku. “I Yawe onig diiɗa iinab akkunihoitte amunu, na nai laa aib mattime!” awa akku.

Jeremaia 14:20

O Yawe, ig nau hemut, mamenkad aɗi ele heppig amu, ig ii lokkumttem. Iitta. Ig miag mehuqttem. Ig na, Yawe, ig nahip-ppa hipunin hemut.

Sam 39:2

Da anam dakka dahilnu ami amunu, ⌊nau hak danab ag gukkuiɗna daaegeg,⌋ da nai laa iinab mattimi, ⌊amge da ag nai appig daulib doomi.⌋ Da nai ii mattimi, amge amuppa da oolppa uug beum. Da anam heiyi, uug da oolppa dayaya, okkainab meum.

Duteronomi 32:32

Israel dilag kekeɗ ag diɗilkad am Sodom appa daatte. Ao, ag diɗilkad amu Gomora dadppa daatte. Muɗi grep laala ag meu ninig nau ele otteb, amubia Israel dilag kekeɗ ag Israel dilagppa eheɗ hetteb. Ao, ag grep meu mua ele, nau daatte, ag amubia daan hetteb.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Jeremaia 9:14

Ag anam da ii dim lamiɗppig. Iitta. Ag da oɗel dim lamidmananu dabmak ahilag ɠagattag eppe, ahilag dabmak dim lamidkkulagnu dabmenan heppig. Ag mamelkad aɗi ag kayak hambuppuak Bal iɗu iɗu dim lamadkkulagnu ippunadppig, ag amubia dim lamadppig. ⌊Amu diig amunu uug amu oh aakku beum.” Yawe Nug haen amuppa oɗmak amunu nob ma, anam awa akku.⌋