Jeremaia 8:12 - Nobonob Baibel

¹² Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Jeremaia 8:12 Referans Kwoze

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 6:15

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Da bu eheɗ madappi, ag nena qekkulag,” awa atte.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Sepanaia 3:5

Ag anam hetteb, amge Yawe Nug aab amuppa tuɗidib daatte, Nug am genab tutukku hak kobol aakkuib dim lamidtte. Nug kobol kaliak nakok laa ii hette. Deɗ oh Yawe Nug nai doya mala hettoɗia epeɗia elele mettak kobol dim lamidtte. Ge, deɗ oh Nug nai doya mala hettoɗia epeɗia elele mettak kobol ii hemanu uutte. Amge danab laa, nug am genab tutukku hak danab iitta, nug heumnu dabmaama, nug eheɗ heumnu uɗa nak ii dootte.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Hosea 5:9

O Israel danab ah, da keeke laa ag oolagppa genabnab bekkunu ai dootteb; amuam ahilag bu awak deɗ uɗieb amu, ahilag wan am nauhakib daakku.

Aisaia 24:2

Danab ah oh uug amu anidkkulag; laippu laa ii eɗidma. Iitta! Oh ag geha uug amu aoglag. Mana mettak danab, am danab ah hamu, ag oh, uɗat gumak danab, am maɗi nid, ag oh, uɗat gumak ah, am uɗat hak ah hamu, ag oh, keeke aon meeg, laa daden metteb danab, am danab uɗin, keeke ahilagppa daden metteb ele, ag oh, danab men doɗo lon laa eppegppanu aotteb, am danab, laa ag nug eppegppa lon aotteb, ag oh, danab amu oh ag geha haen nau amu anidkkulag. Laippu laa haen amu ii eɗidma. Iitta.

Jeremaia 6:21

Anam amunu Yawe Nug atte. “Da heppi, Juda danab ah ag gai-iitta daappeg, kekeɗ ag eɗadkkulag. Mamelkad, bekkalkad ele ag danab nug menppa baeg ya, na qette bia nena qekkulag. Ao, ahilkad mudippan laippu, amu ag lailkad ele, ag ele danab nug menppa baeg ya, na qette bia nena qekkulag. Ag oh mauhkkulag,” awa atte.

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Jeremaia 44:10

Juda danab ah tatamnu amu, ag nau amu henana, ag amu dabmenan, “Ig nau hemut,” ii anana, akka akka ag onilag qeeg ii ne, gemu ag Isip ippa ina daatteb ele, ag ele anam ii hetteb. Anukka, haen amuppa Juda ag ebehilag oh dahilnu bodoetta le ii meum, gemu ele ag ippa ina Isip daatteb amu, ag ebehilag oh dahilnu bodoetta le ii mette. Anukka, haen amuppa Juda danab ah ele ag dahil ɗo, dahil nai laa ele, da ag am ag mamelkad aɗi ele mattami amu, ag amu ii dim lamidppig, ag gemu Isip ippa ina daatteb amu, ag ele ii dim lamidtteb,’ ” awa atte.

Esekiel 23:18

Nug ag dimattom, amge nug ib baag ah kobol ii uuom. Iitta. Nug amu tuɗitta miagib haaha, nug beɗu miagib danab ippuanattom. Nug anam he, da gahag bak bia doomi amunu, da nug dimettami; da apag dimettami, amubia da nug dimettami.

Genesis 19:34

Aria, wagɗe deɗ amuppa aɗeg tatamnu nug makkeg amegppa aum. “Antte! Tumai tuqan da mama ele niimuɗ. Tueb imu i baula hepuɗ, nug wain lab, na nug ele niiglah. Anam heta amu, i nuhigppa nid ele daaɗa, ig aab ikki ihinig humagnig,” awa aum.

Jeremaia 14:15

Amu Yawe Nug propet amu dilagnu inam atte. “Propet laa ag da onil hamu diin, propet nai maditteb amu, da ii maatti goppig. Da maatti ii goppig, amge ag atteb. ‘Ban, o enug haen wan imuppa ii daama,’ aon atteb. Propet ag henan anam atteb amu, ag geha banppa, enugppa ele, ag mauhkkulag.

Jeremaia 23:12

Amu Yawe Nug imu ele atte. “Propet, mana mettak danab ele ag amu hetteb amunu, da heppi, ag danab ib aiɗikkakppa oitte bia daaglag. Da heppi, ag gatatu ooppa oinna, nena qekkulag. Aɗinu anam bekku? Ahilag bu awak haenppa amu, da heppi, uug naunab ahilagppa bekku,” awa atte.