Jeremaia 7:32 - Nobonob Baibel

³² Ag amu hetteb amu, ag dabmeig! Butti, haen adekku danab ah ag aben amunu Topet ii amana. Ag oolnu noak amunu ele, ‘Hinom Bekkanu Oolnu Noak’ ii amana. Iitta. Kekeɗ ag uɗin, Juda danab ah eheɗnab aqappeg mauhppeg, laa ag ag gaɗalkad aguppa boumadppeg ukkeb, ambak dayeb, haen amuppa ag oolnu noak amuam onig, Danab Ah Eheɗnab Aqaeg Mauhppignu Oolnu Noak, ataɗkkulag.

Jeremaia 7:32 Referans Kwoze

Jeremaia 19:11

Na amu hewona, na ag amelagppa inam appe doyeg! ‘Yawe Nukka Ɠagattag Oh Ele, Nug inam atte. “Hinai aoɗak dayeye, laa bappaidkkunu elele iitta, amubia da heppi, Juda wan, Jerusalem ele nauhak daaglah. Ag aben imu onig Topet, ag ippa laa mauhkkulag boumadppeg ukkeb, aben iitta daakku, amge ag boumak uɗat ii malamna,” Yawe Nug anam atte.

Jeremaia 19:6

Amu Yawe Nug imu ele atte. “Anam amunu, ag dabmeig! Haen laa uɗitte amu, haen amuppa danab ah ag aben imunu, ‘Topet,’ ii amana. Ag, ‘Hinom Bekkanu Oolnu Noak,’ ele ii amana. Iitta. Ag aben imunu, ‘Danab Ah Eheɗ Aqaeg Mauhppignu Oolnu Noak,’ aon akkulag.

2 King 23:10

Amu danab ag aben onig Topet, aben amuam oolnu noak onig Hinom Bekkanu Oolnu Noak, appa dayom amu, ag aben amuppa eɗun gona, ag bekkalkad, aɗelkad aqan manan, kayak hambuppuak Molek mettaglagnu baula hemananu, King Josaia nug aben amu ele he, dubuttid teum.

Jeremaia 7:31

Oolnu noak onig Hinom Bekkanu Oolnu Noak, appa aben laa onig Topet daatte. Amu Topet appa Juda ag mana mettak aben kayak hambuppuak dilag mettid lag nakokppa bappaladna, appa ag bekkalkad, aɗelkad ele manadna, kayak hambuppuak madatteb. Da ag amu hekkulagnu iinab ami! Ag amu hekkulagnu dahil dabmakppa nakok laa iinab beum.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Jeremaia 19:2

na aɗnu od onig Potsherd wana, ab dimittim gona, na oolnu noak onig Hinom Bekkanu Oolnu Noak, na appa gona, appa da nai ippunidttem amu, na appe doyeg!

Jeremaia 31:40

Aria oolnu noak onig Hinom, appa ag danab boumadtteb, aab uhuɗ ele buɗieg gotte amu, aben amuam dahilnu tituanak daakku. Aria, wan adqaɗ bia ukka ukka, oolnu noak onig Kidron batak, aab okkainu aɗnu od onig Hosnu Od batak, wan amu oh ele am dahilnu tituanak daakku. Kekeɗ ag baula uɗin, ippan danab ii diin gomana. Ag baula heppeg, aab okkai imu baula ii nauhma.” Yawe Nug anam awa atte.

Esekiel 6:4

Da heppi, kekeɗ ag uɗin heppeg, kayak hambuppuak dilag qaɗab oh ahilagppa daatteb, danab ah ag amuppa doɗ main, kayak hambuppuak madatteb ele, qaɗab amuam nauhna autna aon, nauhak anam daaglag. Ao, da heppi, kekeɗ ag uɗin heppeg, kalu muttuɗig ena ele manaknu qaɗab ahilag ag nauhna autna aon, aoɗak daaglag. Da heppi, kekeɗ ag Israel danab ah, ahilkad kayak hambuppuak dottolkad noolagppa aqappeg mauhkkulag.