Jeremaia 7:24 - Nobonob Baibel

²⁴ Da anam ag amelagppa ami, amge ag dahil nai ii dooppig; ag daulag human nai doon, elele ii dabmedappig. Iitta. Ag da oɗel dim lamidmananu dabmak ahilag ɠagattag eppe, ag oolagppa ahilag dabmak nau atten dayom amu, ag amu dim lamidppig. Ag da ii dim lamiɗppig. Iitta. Ag gomelag da meɗan goppig.

Jeremaia 7:24 Referans Kwoze

Jeremaia 8:5

Anam amunu aɗinu Juda danab ah ag ib eheɗ aon gonana, ag eɗun, dahilppa uɗiglagnu uutteb? Ao, aɗinu Jerusalem danab ah ag hanhan da dimeɗona kayak hambuppuak laala dim lamadna, ag eɗun, dahilppa uɗiglagnu uun, ii uɗitteb? Ag hambuppuak kayak aɗualadna, uuattak uun autna aotteb. Ag eɗun, dahilppa uɗiaknu uun, ii uɗitteb.

Jeremaia 7:26

Amge Israel ag dahil nai ii dooppig; ag daulag human, nai doon, elele ii dabmedappig. Ag da oɗel dim lamidmananu dabmak ahilag ɠagattag eppe, ag mamelkad aɗi dilag eheɗ hak eɗidna, eheɗ huan heegeg uɗie, gemu ele hetteb.” Yawe Nug da amelppa Israel dilagnu anam aum.

Duteronomi 29:19

Amu danab laa nug ig Israel, ig Yawenu danab ah daattem, Nug am ihinig Kayak daatte, nug nug tituana nai qakkak nai amu dabmaama, diig amunu nug inam aib dabma aum. “Da eheɗ tuɗitten, heinneib daakkul, me da ena daakkul.” Nug anam aib heum. Danab ag amu hetteb, ag ahilag wan oh heppeg nauhkku; wan le daatteppa, wan laa le ii daatteppa ele oh nauhkkulag.

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

Jeremaia 32:33

Ag da dimeɗan, ag dahilppa doaknu uuppig. Da ippunittak haen kuɗum ag madakkulnu hemi, amge ag dooglagnu daulag ii human dooppig. Da ag toliatte, bu mattami, amge ag oolag ii eɗuom. Iitta.

Hosea 4:16

Israel danab ah ag oɗe dim lamidmananu dabmak ahilag ɠagattag eppom daatte. Ag makau balat laa oɗe dim lamittaknu uua, nuhig dabmak ɠagattag eppe daatte bia daatteb amunu, Yawe Nug ag aɗi keeke ag bau ena daaglagnu madakkunu elele iitta. O gadon, danab nug sipsip gaiɗ hibguitta ii hette ee medette, ena daakkunu elele, amge Yawe Nug amubia Israel dilag anambia hekkunu elele iitta.

Esekiel 20:21

Da danab amu ag bekkalkad aɗelkad ele amelagppa amunu ami, amge ag ele dahil nai tappaeg neum. Danab nug dahil ɗo dim lamidtte amu, nug bau daakku, nug padal ii mema, amge ag dahil ɗo iɗu iɗu pehettak ii dabmettan, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Ag amu heppig amunu, da oppoɗil be, bu madakkulnu ami. Ao, da ool nauhehe, da ahilag hak naunu atu taɗakppa nob madakkulnu ami.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 3:17

Haen amuppa danab ah ag Jerusalemnu, ‘Yawenu sia king,’ akkulag. Ag anam appeg, wanppan wan ohnu danab ah ag Jerusalem appa da onil binag mekkulagnu qagmekkulag. Danab ah oh ag haen amuppa baula da oɗel dim lamidmananu dabmak ahilag ɠagattag ii eppeb, aɗi eheɗ hekkulagnu oolag daatte amu, ag amu hekkulagnu dabmenana ii hemana.

Jeremaia 2:27

Ag ad aon, kayak hambuppuak dottog hoina, ag, “Na am ig mamenig,” aon atteb. Ao, ag men laa aona, ag, “Na ig menuigme,” ele aon atteb. Ag amu hekkulagnu diig am, ag da dimeɗan, ag da dim lamiɗkkulagnu uuppig. Ag anam hetteb, amge uug bette haenppa ag ahan, da amelppa, “Uɗin ehanigppe, ig padal aib memut!” aon atteb

Nehemaia 9:29

Na ag nau aomnanu dabmettak nai mattana, ag eɗun nahip ɗo waappa daaglagnu ag amelagppa ame, amge ag beɗuppa tak danab dilag kobol dim lamidna, ag nahip haknunab nai ii dim lamidppig. Ɗo nahip, danab nug dim lamidtte ele nug bau daakku amu, ag ɗo amu tippaladna, ii dim lamidna, hipunin heppig. Ag na oɗen dim lamidmananu dabmak ahilag ɠagattag eppe, ag na dimettana, ag dabmak eɗukkunu uun autna aona, ag nahip nai dooglagnu uun, ii dooppig.

Esekiel 20:16

Da amu mattiminu diig am, ag dahil ɗo iɗu iɗu, ag amu uuna, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Aɗinu ag nau amu oh heppig? Ag kayak hambuppuak dottolkad ahilkad, ag amu dilag oolag huan heum; uuaknu uun autnanab aoppig.

Jeremaia 23:17

Propet amu ag laa dahilnu ena iinab dootteb ele amelagppa, “Yawe Nug atte, ‘Ag maɗoɗ ele daaglag,’ aon atteb. Ag amu dilagnu anam anana, ag laa ag oɗe dim lamidmananu dabmak ahilag ɠagattag eppe, aɗi hekkulag dabmakppa daatte amu, ag amuib dim lamidtteb, ag amelagppa, ‘Uug laa ahilagppa ii bema,’ ” aon atteb.

Jeremaia 9:14

Ag anam da ii dim lamiɗppig. Iitta. Ag da oɗel dim lamidmananu dabmak ahilag ɠagattag eppe, ahilag dabmak dim lamidkkulagnu dabmenan heppig. Ag mamelkad aɗi ag kayak hambuppuak Bal iɗu iɗu dim lamadkkulagnu ippunadppig, ag amubia dim lamadppig. ⌊Amu diig amunu uug amu oh aakku beum.” Yawe Nug haen amuppa oɗmak amunu nob ma, anam awa akku.⌋

Jeremaia 13:11

Danab nug matagiɗ awa, imuagppa taietta qagatte, amubia da Israel danab ah oh, Juda danab ah oh ele dahilad daaglagnu, ag da gukkuiɗak dahilppa daaglagnu qakkaladmi. Da amu heminu diig am, ag da dim lamiɗppeppeg, wanppan wan laala ohppan danab ah ag anadna, ag da dooiɗna, ag da onil, da binal ele humaglag, amge Israel danab ah, Juda danab ah ele ag nai dahil amu doon, dim lamidkkulagnu uuppig. Ag amu hak uuppig.’ ” Yawe Nug anam aum.

Jeremaia 16:12

Ag mamelkad aɗi ag anam heppig, amge ag daatteb amu, ag nau hak amu eɗidna, naunab heppig, gemu ele hetteb. Ag da oɗel dim lamidlob, amge iitta, ag anen anen ag da oɗel dim lamidmananu dabmak ahilag ɠagattag eppe, ahilag dabmak nau dim lamidkkulagnu dabmenan hetteb.

Jeremaia 17:23

Da ɗo amu ag mattami, amge ag memetalkad ag ii doon, ii dabmeppig. Ag akka ag ahilag dabmak dim lamidkkulagnu wagai mena hena, ag toliatta, bu mettak da mattami ele dab-ii-meppig amunu, ag oolag ele ii eɗuppig,” awa atte.

Jeremaia 18:10

amge wanppan wan amu, o ɗo maɗoɗ amu, amunu danab ah ag digmena, da oɗel ii dim lamidnana, da noolppa ele eheɗ hekkulag dayeb, da ag ena hadakkulnu dabmak dahil eɗuen, ii ehanadpa.

Jeremaia 18:12

Na ag amelagppa anam appe dooglag, amge ag eɗun, na amenppa akkulag. ‘Ig anam helom, amge elele iitta. Ig ikka ig attem dabmettem am hekkunig. Ig anen anen ig oɗe dim lamidmatanu dabmak ihinig ɠagattag eppom daatte. Anam amu, ig aɗi eheɗ hekkunignu onig daatte amu, ig hekkunig,’ aon akkulag.” Yawe Nug anam atte.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Sam 81:13

Amge O gadon! Danab ah dahilad ag genab da dooiɗlob! Ao, Israel ag da ippul dim lamiɗlob,

Jeremaia 3:13

Da ag keeke laippuib hekkulagnu attem. Ag genab kobol eheɗ heeg, aab ag beɗulagppa daatte miag aig! Ag beɗulagppa aab daattenu diig am inam; ag da Yawe, ahilag Kayak, ag da dimeɗan, dahil nai tappaeg ne, ag kayak hambuppuak laihnu akkan, amu noolagppa dup nona binalag meppig. Ag ad okkai eppelkad bahia ukkak ele oh waalkadppa kobol nau amu henana, ag dahil nai ii dim lamidppig.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Jeremaia 13:10

Jerusalem danab ah, Juda danab ah laa oh ele, ag nau hetteb, da ag nau aomnanu dabmettak nai mattami, amge ag dahil nai dooglagnu uutteb. Ag da oɗel dim lamidmananu dabmak ahilag ɠagattag eppe, ag akka ag ahilag dabmak eheɗ haknu dim lamidnana, ag kayak hambuppuak waappa daan, ag noobppa dup nona binag metteb. Ag anam henan daatteb amunu, matagiɗ imu nauhak daatte, laa nug uɗat aɗi laa medakkunu elele iitta bia, ag anambia aakku daaglag.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 22:21

Haen ag, ‘Ig eleleib daattem; uug laa ihinigppa ii bema,’ dabmenan oippig, da, Yawe, da ag nau aomnanu dabmettak nai mattami. Da nai amu ag mattami, amge ag, ‘Ig nahip nai ii doomta!’ aon appig. Ag nid bauppa digmena, da oɗel nakok laa ii dim lamitteg uɗie, gemu ele anamib hetteb.

Jeremaia 32:23

Na ag mattae, ag wan amuppa uɗin, danab daappig eppelagppanu aoppig, amge ag na oɗen ii dim lamidppig, nahip ɗo ele dim ii lamidppig. Ag na aɗi hekkulagnunab ame amu, ag ii heppig amunu, na uug nau imu ahilagppa hee beum.

Daniel 9:6

Amu nahipad maɗi nid, ag propet, na maatte uɗin, na oninppa nahip nai madippig amu, ag nahip nai ihinkad king, ihinkad danab okkai, ig mamenkad aɗi, amu Israel wanppan danab ah oh ele amelagppa appig, amge ig nai amu doognignu uumut. Ig ii dabmemut.

Sekaraia 7:11

Yawe Nug anam atte, amge ag mamelkad aɗi ag nuhig nai dabmettaglagnu uuppig. Ag ahilag dabmak ɠagattag eppe, ag Yawe dimettan, ag danab nug nai doomanu nug daug eppeg doɗoppa itutte, amubia ag Yawenu nai doyaknu uuppig.