Jeremaia 51:52 - Nobonob Baibel

⁵² Ag anam doon atteb, amge Yawe Nug atte. “Haen laa uɗitte, amu haen amuppa da Babilon dilag kayak dottolkad bu madakkul. Da amu heppi, Babilon wanppa danab ah guittak okkai aon, ag aiqakkaglag.

Jeremaia 51:52 Referans Kwoze

Jeremaia 51:47

Amu Yawe Nug atte. “Aɗinu ag anam ii amana? Haen laa genabnab genab uɗikku, am haen amuppa da Babilon dilag kayak dottolkad bu madakkul. Babilon danab ah oh ag uɗa nak nau guittak ele doon, Babilon danab ah huanaknab mauhkkulag.

Jeremaia 50:38

Laa heeb, Babilon dilag le qaɗaietteg! Anam heeb, le am qaɗaiettaglag. Aɗinu uug amu oh Babilon wanppa bekku? Ag kayak hambuppuak dottolkad noolagppa dup nona binalag metteb. Amu Babilon danab ah ag dottolkad amu dabmenana, ag kaaka danab hette bia hetteb.

Esekiel 30:24

Da heppi, Babilon dilag king nug ɠagattag dayeb, da dahil qep elab nug eppegppa mekkul, amge da Paro eppeg laih laih oh qiiatppi, Paro nug danab guittak awa mauhkkun haaha aiqakkak hette, amubia Paro nug aiqagakku.

Esekiel 28:23

Da heppi, oɗe nau danab kuɗum aqe mauhtteb aqeb mauhppeppeg, kekeɗ ag ele uɗin, qep elabppa aqappeg, ag kuɗumnab mauhkkulag. Ge, kekeɗ ag taliliadna daan, kuɗumnab aqadppeg, danab kuɗumnab mauhkkulag. Da amu heppi, ag dooglag, da am Yawe.