Jeremaia 51:41 - Nobonob Baibel

⁴¹ Kekeɗ Babilon eɗadkkulag. Ao, wanppan wan ohppan danab ah ag aab laa binag metteb ele, aab amu, am Babilon, aab amuam kekeɗ eppelagppa daakku. Anam beeb, wanppan wan laala ohppan danab ag Babilon anidna, ag ameg iɗuak dooglag.

Jeremaia 51:41 Referans Kwoze

Jeremaia 25:26

da king kuɗum ag ippanu laih yawalti uɗitteppanu daatteb, laa miag daatteb, laa uma daatteb amu, da ag oh kap amu mattai lappig. Ɗo maɗoɗ ohnab wanppa daatteb amu, da ag mattai lappig. Aria, ⌊tuleglegppa da anam hemi, qinob anam aakku bekku. Beeb⌋ amu dimppa amu Babilon dilag king nug ele lakku.

Aisaia 13:19

Wanppan wan oh oolagppa, danab ah ag Babilon am attannab dabmetteb. Babilon danab ah ag dada hak kobol henana, Babilonnu, ‘Am binag amahlak oppiaawak ele,’ dootteb. Ag anam dootteb, amge Kayak Nug heeb, Babilon am Sodom, Gomora ele nauhpiɗ, amubia nauhkku.

Jeremaia 49:25

Danab ah anukka Damaskus appa gamag ahak naɗi ele doon daappig, amge qinob aab okkai amuppa danab ah ii daamna.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Daniel 2:38

Nug danab, ah, doɗ wanppa oitteb, ai hab waappa hagagaɗna oitteb ele na eppenppa meum. Danab, doɗ, ai ele ag adeppa adeppa daatteb amu, Kayak Nug he, na ahilag okkai daattem. Dottog ikki golppa hak am na ippunigtte.

Esekiel 27:35

Na nauhme amunu, danab ah oh ag yu ihippa daatteb ele, ag dabmak huanak aotteb. Ahilkad king amu, ag anidna, amelag iɗuak doon, beɗulag hahaɗeɗe, ag iɗulag am baɗakppa aakku nauhtte.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Jeremaia 50:46

Kekeɗ ag ban hena, Babilon eɗadppeg, ag eppelagppa daappeg, haen amuppa wan atu ohppan danab ah ag doon, ottaikkulag. Babilon danab ah ag haen amuppa eheɗ gaaglag, amu danab wanppan wan laala ag gayak amu dooglag.

Jeremaia 50:23

Babilon nug tutui qaknu hama bia dayaya, wan laa oh he nauhppig, amge kekeɗ ag heppeg, Babilon am waa aoɗa autanab awom bia daakku. Wan atu laa ohppan danab ah ag anidna, ameg iɗuak dooglag.

Aisaia 14:4

ag Israel ag Babilon dilag king na qeumnu aon aon qettan, ahi imu ettaglag. “Yawe Nug he, danab umu, nug danab laa eheɗ nau hattom ele, nug na qa, iitta meum. Nug eɗua, ig baula eheɗ iinab heigma.

2 Stori 7:21

Amu lag imuam geha am kinipan ameg okkai hume tak daakku. Anam dayeb, danab ag geha uɗin, ippa oinna anidna, ag geha dabmak huanaknab aon, ag geha akkulag. ‘Attem daye, Yawe Nug wan imu he nauhe, mettid lag imu ele he nauhom?’ Ag anam akkulag.

Duteronomi 28:37

Anam beeb amu, wanppan wan laalappanu danab ah, Yawe Nug lamatte, ag goppig, ag oolagppa daatteb ele amu, laa amu ag kobol ahilagppa bekku amu anidppeg, ag ameg iɗuak doon, ahilagnu, “Keeke hamunab,” ele doon, imadkkulag.