Jeremaia 51:38 - Nobonob Baibel

³⁸ Babilon danab ah ag laion bau doɗ laa qekkunu gaatte, ag amubia hetteb. Ag laion nag ee aokkun liɗimtte, ag amubia hetteb.

Jeremaia 51:38 Referans Kwoze

Jeremaia 2:15

Am genab, kekeɗ ag laion gaatte bia hena heeg, ag eheɗ aoppig. Ao, kekeɗ ag laion bau nug liɗimtte bia hena heeg, ag eheɗ daappig. Kekeɗ ag heeg, ag Israel, ag ahilag wan am nauhaknab awom. Ao, kekeɗ ag ahilag aab amoteg ewe, appa danab ah ii daatteb.

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Aisaia 35:9

Doɗ laion ib amuppa ii daama, amu doɗ nau laala, danab qe mauhtte ele, doɗ amubia laa ib amuppa nakok iinab daamna. Doɗ anam ag ib amuppa ii daamna. Ib amuppa amu, danab ah Yawe Nug ag hipuninnu qagaiettakppanu eɗua uhuqak ha mattom ele, agib aguppa oiglag.

Sam 58:6

O Kayak, nau hak danab ag ban hak doɗ laa bia daatteb. Na heppe, ag ⌊ɠagattag iitta,⌋ doɗ laa aekkud qiialattak ele bia daaglagnu oɗ medattem. Ao, O Yawe, na heppe, nau hak danab ag ⌊ɠagattag iitta,⌋ laion bau aekkud kaulak ele bia daaglagnu na unuqidttem!

Sam 34:10

Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Ikki Danab 16:20

Am danab nug ikki uɗug otaɗa male amu, Delaila nug ewa aum. “Samson! Pilistia ag na aɗaidkkulagnu uɗippig!” awa eum. Nug anam e amu, Samson nug aha amu, nug dabmeum. “Da hettem, anam hein uhuqak aokkul,” dabmeum. Nug anam dabmeum, amge nug Yawe uuitta ukkom amu, nug ii doyom.

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

Aisaia 5:29

Ban danab amu ag oɗelagppa ena, muttub qena, oqottilag laion gaatteb, baalag oqotti amubia oqotti okku. Ao, ag laion bau gaatteb bia heppeg, oqotti okku. Laion liɗimna, doɗ aɗan qena, maon ukkaeg, laa doɗ amu ehanitteb, qagaiettakppa ii daamanu ii daatte amu, amubia kekeɗ ag anam hekkulag.