Jeremaia 51:24 - Nobonob Baibel

²⁴ Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Jeremaia 51:24 Referans Kwoze

Jeremaia 50:15

Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg!

Revelesen 18:24

⌊Babilonnu amu,⌋ Kayak Nug nuhikkud propet, nuhikkud danab ah oppiaawak ele, amu wan atu ohppan danab Babilon aqe mauhppig ele, Nug aab okkai amuppa amu oh tiilag wanppa ne anttom amunu, Nug aab amu nob nau amu mettom.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Jeremaia 51:49

Babilon ag Israel danab ah huanak aqappig amunu, Babilon na qekkuoitte. Ge, Babilon ag wan atu ohppan danab ah aqaeg mauhppig amunu, ag nob aoglagoitte.

Jeremaia 51:35

Babilon ag ig Juda, ag eheɗnab heigppig amunu, eheɗ hak amunu nob nau Babilon dilagppa baɗ! Ao, Babilon ag ig oikkeg, ig tiinig ne, ig kuɗum mauhmut amunu, eheɗ hak amunu aab Babilon beɗulagppa dayaɗ!” aon akkulag.

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Aisaia 66:6

Doyeg! Aab okkai Jerusalemnu oqotti okkai ahatte. Yawenu mettid lagppanu oqotti okkai uɗitte. Am aɗi oqotti? Oqotti amuam Yawe Nug nuhig kekeɗ ag eheɗ heppignu bu elele aakku madatte.

Aisaia 48:14

Amu ag Israel danab ah ag gukkuiɗna uɗin, nai dahil doyeg! Kayak hambuppuak laa nug aha, keeke bekkun daatte a dooppigte? Iitta! Amge da Yawe, da attem. Danab laa, ⌊Sairus⌋ da nug tituanmi ele amu, nug dahil dabmak Babilon dilagnu heeb bekku. Ao, nug aha, Babilon ele ban hekku.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

Jeremaia 50:10

Anam amunu, kekeɗ ag Babilon eɗidna, ag Babilon dilag keeke diin gokkulag. Ag keeke kuɗumnab aoglag amunu, ag elele dooglag; danab nug ee lae ne, oo dittia auta aotte, ag amubia elele dooglag.” Yawe Nug anam awa atte.

Jeremaia 51:23

Da na aɗaetten heppi, danab waa o aoɗtte, amubia sipsip gumak danab, nuhikkud sipsip ele nauhkkulag. Da na aɗaetten heppi, danab waa o aoɗtte, amubia dad hak danab, nuhig uɗatnu makau ele nauhkkulag. Da na aɗaetten heppi, danab waa o aoɗtte, amubia gawana, ehanittak anuqak danab ele nauhkkulag.

Jeremaia 51:56

Keeke he nauhak danab ag Babilon ele ban hekkulag. Kekeɗ amu ag Babilon daup eɗadppeg, ag eppelagppa daaglag. Kekeɗ ag Babilon daup dilag lat qiialadkkulag. Aɗinu amu bekku? Yawe Nug am Kayak Nug danab ah hipunin hetteb ele nob madatte amunu, Nug Babilon eheɗ heppig, Nug ag eheɗ amunu nob elele ag madakku

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.