Jeremaia 51:1 - Nobonob Baibel

¹ Yawe Nug inam atte. “Da heppi, huu laa, ag keeke heeg nauhtte ele, ag ahan, Babilon wan, wan amunu danab ah ele ban hekkulag.

Jeremaia 51:1 Referans Kwoze

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Jeremaia 50:33

Yawe Nukka Ɠagattag Oh Ele Nug inam atte. “Kekeɗ ag Israel danab ah eheɗ hadatteb. Juda danab ah ele anamib, Laa ag eɗadna diieg, ag eppelagppa daatteb ele amu, laa amu ag ɠagattag aɗualadtteb. Ag heppeg, Israel, Juda ele ag eɗun, ag wanelagppa gokkulagnu iinab hetteb.

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 50:24

O Babilon, da pelem meppi, na laippun, ii dabmettemppa tekkut. Babilon danab ah, ag da, Yawe, ag da ag banel uɗippig amunu, kekeɗ ag uɗin anadna diiglag.

Jeremaia 50:21

Yawe Nug atte. “⌊Ag Babilon dilag kekeɗ,⌋ ag ahan, banelag gona, Babilon ele ban heig! Ag danab wan maha laa Babilon ooppa daatte onig Merataim, ag appa daatteb, amu danab aab onig Pekot ele appa daatteb amu, ag ag ele ban heig! Ag Babilon danab ah lamadna, aqana heppeg, ag dahilnuib, pelemppa dayeg! Ag da haknunab nai ag amelagppa attem amu, ag amu oh heig! Keeke nakok laa aib tippalppig.

Jeremaia 50:9

Aɗinu ag oolkkulag? Da heppi, huu okkainab, ɠagattag ele laala yawalti uɗitteppanu daatteb, ag ahan qagmena, ag Babilon ele ban hekkulagnu uɗiglag. Ag yawalti uɗitteppanu uɗin, Babilon ele ban hekkulagnu aben aon, keeke bappaidna, ag Babilon eɗidkkulag. Ag lat doɗo ekkulag amu, lat doɗo amu oh daup dabmak enanag ele bia daaglag. Laippu laa hamu ii goma. Iitta. Oh am Babilon daup aqaglag.

Jeremaia 49:36

Ulah aben ohppa uɗitteb, amuam yawalti, kaɗag, yau, am qaban ele. Ulah amu oh aben ohppa uɗin, keeke uug iitta ele aon, laih gotteb, amubia da heppi, kekeɗ ag uɗin, Elam eɗadna heppeg, Elam danab ah ag wanppan wan ohppa matatun gona daaglag. Ge, Elam danab ah ag diia ukka laih me dayak danab ah wanppan wan ohppanab daaglag. Wan laippu laa ii eɗidmana.

2 King 19:7

Antte! Da heppi, Asiria dilag king, nuhig dabmak am kaboliak daakku. Nuhig dabmak am anam daakku amunu, nug nai laa doyowa, nug eɗua, nuhig wanppa ukkeb, appa da heppi, laa ag nug qep-ppa, qeppeg mauhkku.” ’ Yawe Nug anam atte,” awa aum.

Sam 137:8

O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!

Jeremaia 23:19

Danab nau hetteb ele amu, Yawe Nug amunu oppoɗi bak doyaya, Nug ulah huanak paha paha uɗitte bia ag bu madakku. Nuhig bu mettak am kilibob itoɗiaya nette, amubia nau hak danab qaɗelagppa daakku.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 14:14

Da geha attan tein ukke, lombig eɗitten daakkul. Da dakka da hein, da geha Kayak Attannab, laa oh eɗattak daatte bia daakkul.”

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Jeremaia 51:53

Babilon ag hab attan tena, appa aab aɗ ɠagattagnab ele hekkulag dayeblob, da heppi, keeke he nauhak danab laa ag gona, heppeg nauhlo.” Yawe Nug anam awa atte.

Jeremaia 51:60

Nai nug mettom amu, nai amuam uug naunab oh Babilon dimppa bekkunu nai imu. Jeremaia nug nai aɗi aɗi Babilon dilagnu Yawe he doyom amu, nug nai amu oh buk itoɗiak eleppa ya, nug Seraia mettom.