Jeremaia 50:44 - Nobonob Baibel

⁴⁴ Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Babilon danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Babilon gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Jeremaia 50:44 Referans Kwoze

Aisaia 46:11

Da danab laa ⌊Sairus,⌋ aam bedeppanu, ⌊nug ban haknu danab⌋ ai doɗ qe mauhe latte, nug amubia hekku amu, da nug onigppa ettem. Ao, da wan umanabnu danab laa nug dahil dabmak dim lamitta, dahil oo hak heeb bekkunu onigppa ettem. Da aɗi heppi bekkunu ami am, ana bekku. Ao, da aɗi kobol bekkunu maittak aomi amu, da heppi bekku.

Aisaia 46:9

Ge! Ag anukkan keeke, keeke ag anukkanunab dooppig ele, keeke amu ag daulagppa doaɗ! Aɗinu? Da am Kayak. Kayak laa ii daatte. Da am Kayak, laa nug da bia ii daatte.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Aisaia 41:25

Yawe Nug atte. “Da laa dabmak metten hei, laa amu nug yawalti uɗitteppanu aakku aha, yag bak doya uɗitte. Ao, da laa, nug appag diig aam bedeppa daatte amu, da laa amu hei aha, nug da unuqiɗtte. Danab laa amu nug danab lekkoh baegppa tabatte, nug amubia danab okkai he nauhtteb. Nug waa keeke hak danab tatam lekkoh baegppa tappe, kaboliak elele daye waa hette, danab amu nug danab okkai dilagppa anam hette.

Aisaia 40:25

Kayak Oppiaawak Ele, Nug oɗ madatte. “Ag auntai laa anidna, ‘Kayak Nug danab amubia daatte,’ akkulag? Aun nug da bia daatte? ⌊Amu oh iitta. Laa da bia laa iinab daatte,⌋” awa atte.

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Jeremaia 25:38

Laion bau nug teɗppan aha, doɗ laa heeb nauhkkun oitte, amubia Yawe Nug heeb, ahilag wan am hele-ettak daakku. Yawe Nug ⌊nau hak huanak antta,⌋ Nug oo huanaknab nauhom daatte, amu Nug heeb, wan laappan daup ɠagattag ag ahan, ban ɠagattag hekkulag, diig aɗit amunu uug naunab amu anam aakku bekku.

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Sam 89:8

O Yawe Kayak Nakka Ɠagattag Oh Ele, auntai na bia laa iitta! O Yawe, na ɠagattagnab ele. Na oo metta ii uuak kobolnu diig daattem.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Jeremaia 12:5

Jeremaia nug Yawe amegppa anam a, Yawe Nug nob ma, inam aum. “Na danab ele baelagppa nug eɗidkkulagnu hee, ag na eɗidppig dayeb amu, na attem hena, hos ele nug eɗittak hekkut? Na wan ena, uɗem ele, na wan amuppa oinna, baen keeke laa ye, nena qeme dayeb amu, na Jodan le daugppa, muɗi keeke huanak daattebppa, na attem hena, appa oikkut?

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Jeremaia 50:15

Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg!

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Aisaia 48:14

Amu ag Israel danab ah ag gukkuiɗna uɗin, nai dahil doyeg! Kayak hambuppuak laa nug aha, keeke bekkun daatte a dooppigte? Iitta! Amge da Yawe, da attem. Danab laa, ⌊Sairus⌋ da nug tituanmi ele amu, nug dahil dabmak Babilon dilagnu heeb bekku. Ao, nug aha, Babilon ele ban hekku.