Jeremaia 50:37 - Nobonob Baibel

³⁷ Ag kekeɗ ag qep elabppa Babilon dilag hos aqanna, ag bannu karis ele heppeg nauheg! Ag wan laihnu danab, ag uɗin, Babilon danab ehanadtteb ele amu, am ele aqeg! Ag aqappeppeg, danab amu ag ah bia daaglag. Ag kekeɗ ag qep elabppa wagai mena, Babilonnu en oh aweg! Ag amu heppeg, Babilon ag keeke iitta ele daaglag.

Jeremaia 50:37 Referans Kwoze

Jeremaia 51:30

Yawe Nug amu heeb beeb, Babilon dilag daup ag kekeɗ ele ban hak uun, ban haknu aben ɠagattag ooppa wana, appa daaglag. Ag ban huana heppeg ukkeb, beɗulag bodoetteb, ag ah bia, gai-iitta daaglag. Kekeɗ ag Babilon amotppeg eokku. Ag aɗ od manak qaknu keeke aɗappeg qiikku.

Nahum 3:13

Niniwe danab ah, ag antteg! Ahilkad daup ag gai-iitta, ah bia. Kekeɗ ahilagppa uɗiglagnu am ib oonak laa iitta ele; aab okkainu aɗnu od manak qaknu keeke aab ewe, od matulak daatte bia daatte.

Jeremaia 51:21

Da na aɗaetten heppi, danab waa o aoɗtte, amubia hos, daup ag gomelagppa daatteb ele nauhkkulag. Da na aɗaetten heppi, danab waa o aoɗtte, amubia bannu karis, daup bannu karisppa oitteb ele nauhkkulag.

Jeremaia 48:41

Kekeɗ ag uɗin, Keriot eɗadna, wan amuppan aab aɗ ɠagattagnab ele aoppeg, Keriot danab ah ag eppelagppa daaglag. Amu beeb, deɗ amuppa Moapnu daup ag ah nid aokkunu hette bia daaglag.

Jeremaia 25:20

Da Isip danab ah lakkulagnu anam matte, danab ah atu laihnu uɗin, Isip wanppa daatteb ele, da ag ele lakkulagnu mattami. Amu dimppa da Us dilag king, Pilistia dilag king anen anen ele mattami. Pilistia dilag king amuam Askelonnu, Gasanu, Ekronnu, amu danab ah Asdot appanu ii mauhppig daatteb, amu dilag ele.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Esekiel 30:5

Kekeɗ ag amu hena, Isip danab ah aqanna, ag Kus, Put, Lidia, Arebia, Libia, amu Juda danab ah, da danab ah amu ele nug tituanta nai qakkamut amu, kekeɗ ag danab amu oh ele qep elabppa aqappeg mauhkkulag,” awa atte.

Aisaia 45:3

Da Yawe, Israel dilag Kayak, da na oninppa ettem amu, na da dooiɗna autna aokkutnu, da na ehanitten, en okkai okkai, aben gatatu ele daatte medakkul. Ao, da en okkai okkai, aben lokkumakppanab daatte, da na medakkul.

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Esekiel 39:20

Balal dahilppa ag hos teppu, laa nug qaɗeppa dayom teppu ele lakkulag. Ag ban danab ɠagattag, ban danab digdig teppulag ele lakkulag. Ag labeppeg, oolag aɗa autanab aokku.’ ” Naɗi Yawe Nug anam atte.

Jeremaia 50:26

Ag Babilon dilag kekeɗ, ag umanabnu uɗin, ma lakkanu ee aeg aon, dimittim meppeg nauhaɗ! Ag heppeg, Babilon danab ah ag ee aeg qagmak okkaippa dimittim daatte bia dayeg! Ag heppeg, Babilon danab ah padal meig! Laippu laa oɗo yaak aib dayom!

Jeremaia 25:24

Da ag matte malen, da Arebia dilag king mattai laeg, danab ah atu taɗakppa daatteb, ahilkad king ele mattami.

Sam 76:6

O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Jeremaia 51:4

Kekeɗ ag heppeg, Babilon dilag daup ag Babilon aabnu ib ohppa guittak okkai aon, nena qena mauheg!” awa atte,

Jeremaia 51:22

Da na aɗaetten heppi, danab waa o aoɗtte, amubia danab ah ele nauhkkulag. Da na aɗaetten heppi, danab waa o aoɗtte, amubia danab kaino, nid bau ele nauhkkulag. Da na aɗaetten heppi, danab waa o aoɗtte, amubia nid bau, ah makkun ele nauhkkulag.

Jeremaia 50:10

Anam amunu, kekeɗ ag Babilon eɗidna, ag Babilon dilag keeke diin gokkulag. Ag keeke kuɗumnab aoglag amunu, ag elele dooglag; danab nug ee lae ne, oo dittia auta aotte, ag amubia elele dooglag.” Yawe Nug anam awa atte.