Jeremaia 50:32 - Nobonob Baibel

³² Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Jeremaia 50:32 Referans Kwoze

Jeremaia 49:27

Amu Nug imu ele atte. “Da heppi, kekeɗ ag uɗin, Damaskus aab manappeg ewa, aɗ am nauhakib daakku. Ao, da heppi, kekeɗ ag uɗin, Benhadat, Damaskus dilag okkai, ag nuhikkud aab aɗ ɠagattagnab ele manappeg, nauhakib daaglag,” awa atte.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Revelesen 18:8

Nug anam atte amunu, keeke nau imu oh deɗ laippuppa nuhigppa bekku; mauhak, qanak, amu enug haen ele. Aab okkai Babilonnu amu, aab eweb iitta mekku. Aɗinu? Naɗi Kayak, Nug ɠagattag okkai ele amu, Nug epeɗidtte.

Amos 2:5

Juda danab ag anam heppig amunu, da heppi, Juda wan eweb; Jerusalemnu aab aɗ ɠagattagnab, aab amu ele ewatteb, iitta mekkulag.” Yawe anam awa atte.

Amos 2:2

Moap danab ag anam heppig amunu, da heppi, Moap wan eweb; Kirotnu aab aɗ ɠagattagnab ele, aab amu ele ewatteb, iitta mekkulag. Kekeɗ ag ban hebeppeg, muttub okkai naɗi dayebeb, Moap na qekku. Ge, ban haenppan ewak huanak dayebeb, trampet ele gayebeb, Moap na qekku.

Amos 1:14

Amon danab ag anam heppig amunu, da heppi, Amon dilag aab okkai Raba aab eweb; Rabanu aab aɗ ɠagattagnab ele, aab amu ele ewatteb, iitta mekkulag. Kobol amu bekku amu, deɗ amuam bannu deɗ, danab ag ban henana, ban haknu ewak huana hebeppeg, uug mettak deɗ amuppa ulah huanaknab ele uɗikku.

Amos 1:12

Edom danab ag anam heppig amunu, da heppi, Edom dilag aab Teman aab eweb; Bosranu aab aɗ ɠagattagnab ele, aab amu ele ewatteb, iitta mekkulag.” Yawe Nug anam atte.

Amos 1:10

Tair danab ag amu heppig amunu, da heppi, ahilag aab Tair am aab eweb; Tairnu aab aɗ ɠagattagnab ele, aab amu ele ewatteb, iitta mekkulag.” Yawe anam awa atte.

Amos 1:7

Pilistia danab ag amu heppig amunu, da heppi, ahilag aab Gasa am aab eweb; Gasanu aab aɗ ɠagattagnab ele, aab am ele ewatteb, iitta mekkulag.

Amos 1:4

Aram danab ag amu heppig amunu, da heppi, ahilag King Hasael laug aab eweb; aab aɗ ɠagattagnab ele, ahilag king laa Benhadatnu amu, aab amu ele ewatteb, iitta mekkulag.

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

Jeremaia 51:64

Na buɗippe, Yupretis leppa ukkeb, na inam a! ‘Buk amu le ooppa noa, eɗua ii bema, amubia uug naunab, Yawe Nug heeb, Babilon dilagppa bekku; am uug amu heeb, Babilon nauhkku. Eɗua ena ii daama, Babilon danab ah ele ag nena qekkulag,’ aon a!” Jeremaia nug Seraia amegppa anam aum. Amu Jeremaianu nai iguppa batatte.

Jeremaia 51:26

Qauko eotte am oug me, men daatte am gai-iitta, amuppa keeke ena laa haknu elele iitta, danab men amu awa, keeke laa ii hette, amubia da heppi, Babilon wan am amubia daakku. Aɗinu? Babilon wan am hele-ettak hanhan daakku.” Yawe Nug anam awa atte.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Sam 119:78

Beɗuppa tak danab, ag dahilnu hambuppuak nai diig iittappa madippig amunu, ag uɗa nak nau aon oiglagnu oɗ medattem, amge da nahip oo yaak nai ɗo bia, da nai amunu dabmak unuqag awewe daakkul.

Amos 5:2

“Israel wan am ah makkun laa na qa malom, eɗua ii ahama, am amubia daatte. Ao, Israel ag ahilag wanppa na qak anam niitteb; laa ehanatteb ahaglagnu iitta.” ⌊Nai oo doyak ele am anam.⌋