Jeremaia 50:31 - Nobonob Baibel

³¹ Yawe, Nug Yawe Nukka Ɠagattag Oh Ele, Nug atte. “Babilon, ag am beɗuppa tak danab, amge da ahilag hak amunu eheɗ doyeye ool ii madattem. Aɗinu? Ahilag bu awak haen aakku uɗiom daatte.

Jeremaia 50:31 Referans Kwoze

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 21:13

Yawe Nug anam anana, Nug ag amelagppa imu ele atte. ‘Ag Jerusalem daatteb, ag oolnu noak akka daugppa, men kuɗum daattebppa daatteb. Ag atteb. “Auntai nug eheɗ heigkkunu elele? Aun nug padal mak eɗitteb ena dayaknu aben ihinig imu bekkunu elele?” atteb. Ag anam atteb, amge da ahilag hak amunu eheɗ doyeye ool ii madattem.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Nahum 2:13

⌊Amu bekkunu diig am⌋ Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ahilag bannu karis eon, iitta mekkulag. Da heppi, kekeɗ ag nid bau ahilkad qep elabppa aqappeg mauhkkulag. Da heppi, ag baula wanppan laa, laion hetteb bia, guittak ii mattamna. Ag baula wan laappan danab ele ban hena eɗadna, ahilag wan aoglagnu nai awa ukkak danab maadppeg ii gomana.” Yawe Nug anam awa atte.

Esekiel 39:1

Amu Yawe Nug anam awowa, Nug nai tuɗitta aum. “Danab bekka, na Gog amegppa uug nuhigppa beeb anidkkunu propet nai inam appe doyeg! ‘Naɗi Yawe Nug inam atte. O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Nahum 3:5

Amu Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ag uɗa nak naunab nau dooglag; laa nug ahnu lamen aɗe te, beɗu miag daye, danab kuɗum neegna antteg, ah nug uɗa eheɗ nette, amubia ag uɗalag nekku. Da heppi, wanppan wan ohnu danab ah ag uɗa nak ahilag anidkkulag. Ao, da heppi, wanppan ɗo maɗoɗnu danab ah ag uɗa nak ahilag miagib anidkkulag.

Esekiel 38:3

na, ‘Naɗi Yawe Nug inam atte,’ awona, na nai imu ele appe doyaɗ! ‘O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Esekiel 5:8

Anam amunu, Naɗi Yawe, Nug inam ele atte. “Ag anam heegeg, da, da ahilag hak amunu eheɗ doyeye ool ii madattem amunu, da wan laihnu danab ag, ag neekkadna daappeg, da bu madakkul.

Jeremaia 51:25

Amu Yawe Nug atte. “O Babilon, ag am qauko eotte ele wan atu oh he nauhtte bia daatteb. Ag heeg, wan atu oh nauhakib daatteb, amge da ahilag hak amunu eheɗ doyeye ool ii madattem. Danab layag ehale, baippa buɗibɗib noa nauhtte, amubia da dahil ɠagattagppa heppi, ag nauhkkulag, Da heppi, qauko eotte ele oug ma, nauhak daatte, ag amubia daaglag.

Jeremaia 50:32

Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.

Jeremaia 48:29

Moap danab ah, ag am dada danab ah amu, ig amu doomut. Ge, Moap danab ah ag dada hena, ag akka ahilagnu anuqaknab dootteb amu, ig doomut. Ag dada danab ah, beɗuppa tak danab ah ele. Ag dada hena laa eɗittaknu dabmak aotteb.

Revelesen 18:8

Nug anam atte amunu, keeke nau imu oh deɗ laippuppa nuhigppa bekku; mauhak, qanak, amu enug haen ele. Aab okkai Babilonnu amu, aab eweb iitta mekku. Aɗinu? Naɗi Kayak, Nug ɠagattag okkai ele amu, Nug epeɗidtte.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.