Jeremaia 49:28 - Nobonob Baibel

²⁸ Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.

Jeremaia 49:28 Referans Kwoze

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

Genesis 25:13

Ismael bekkod 12, naanaeg ukkak huh bieg, ag onilag am inam: Nebaiot, Ismaelnu nid danab naanaeg, aria Kedar, Adbil, Mipsam,

Esekiel 27:21

amu Arebia danab, Kedar dilag anuqak danab ele ag nahip keeke ele aoppig. Ag amu aoglagnu hena, ag sipsip nag, sipsip dawai, aria meeme ele aon uɗin, amuppa nahip keeke daden meppig.

Jeremaia 49:14

Da, Jeremaia, da Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomi. Danab Yawe me ukkom ele amu, nug nai imu ab dooglagnu me ukkom. “Ag laa ag Esau buɗub, am Edom aakku, ag ag ele banelag gokkulagnu qagmeig! Ge, ag ban hekkulagnu aheg!” Yawe Nug anam akkunu me ukkom.

Jeremaia 2:10

Da anam hekkulnu diig am inam. ⌊Ag Juda,⌋ ag ahan Kitim gona, neegna antteg! Ao, ag laa meppeg, Kedar ukka, nug neekka auta autanab awaɗ! Ag anam henana, ag laa ag Israel danab ah heppig bia heppigtai, o iittatai neegna antteg!

Jeremaia 49:33

Ag gona anam heppeg amu, aab Hasor appa amu, doɗ jakal ag daaglag. Aab amu hanhan hele-ettak daakku. Danab ah appa ii daamna. Ao, danab laa appa ii daama.” Yawe Nug anam atte.

Aisaia 42:11

Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Aisaia 21:13

Nai meunab ele Arebia wanppanu Yawe he, Aisaia doyom ele am iikku. Arebia danab ag ⌊kekeɗ aqadmananu,⌋ ag oolna gona, atu taɗakppa haen tutuib dayaknu aab kalan daaglag amunu, ag Dedan danab, ag aben ohppa oiyak danab, ag oinna, keeke daden mena, eɗun meeg, laa ag daden mattegeg, ag men doɗo tuɗidna aotteb amu, ag Arebia dilag, atu taɗakppa baalag qaɗaiettom ele le matteg! Ao, ag Tema wanppan danab ah, ag amu, ag ee aon gona, Arebianu oola ukka laih dayaknu danab amu, ag danab amu gumadna gona matteg!

Solomonnu Ahi 1:5

O ag Jerusalem ah, da gaɗal am hinqak bia, amge da iɗul tuqak ele. Da gaɗal am hinqak bia, Kedar danab ag ahilkad doɗ gaɗa lag, amu beɗu bia. Ao, da gaɗal am hinqak bia, Solomonnu peh lag, amu beɗu bia.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

1 Stori 1:29

Imuam Aisak, Ismael ele bekkalti. Ismaelnu nid danab naanaeg am Nebaiot. Nug bekkod laa am Kedar, Adbil, Mipsam,

Genesis 25:6

nug ele bekkod laa, ag anilti am nug wauuɗ amge wauuɗnab iitta amu, nug aa bekkalti keeke ahilkad daakkunu hamu mattom. Matta malowa amu, nug ag nug bekka Aisak uuidna gokkulagnu a, ag laih kaɗag uɗitteppanu gona, wan amuppa daanna oippig.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Jeremaia 25:23

Da ag matte malen, da Dedan, Tema, Bus ele, ag miag iitta amu, da appan danab ah mattami.

Jeremaia 25:24

Da ag matte malen, da Arebia dilag king mattai laeg, danab ah atu taɗakppa daatteb, ahilkad king ele mattami.