Jeremaia 49:2 - Nobonob Baibel

² Yawe Nug anam oɗ ma ana amu, Nug ele atte. “Gemu anam daatte, amge haen laa uɗitte. Haen amuppa da heppi, Amon dilag aab okkai Raba, appa ban ahakku. Ban aheb, aab amuam nauhakib dayebeb, aab naunau aab amu talilidna daatteb amu, aab eoglag. Ag Amon ag Israel lamadppig, amge haen amuppa Israel, ag ag lamadkkulag,” awa atte.

Jeremaia 49:2 Referans Kwoze

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Esekiel 21:20

Na at amuppa Babilon dilag king inam ippunidkkut. Nug ib laa awa gokku dayeb amu, nug Amon dilag aab okkai Raba, nug appa ukkeb, Amon ele ban hekkulag. O iitta, nug ib laa awa gokku dayeb amu, nug ukkeb, Juda wan, amu Jerusalem ele ban hekkulag. Jerusalem am aab ɠagattag aɗ ele.

Duteronomi 3:11

Keeke laa amu, Og, Basan dilag king, nug am Repaim danab okkai okkai dimnunab aakku amunu, nuhig niiak balal aenppa hak, elab nuhig amu 4 mita eɗittak, emaitak am 2 mita bia. Keeke amu ⌊nai imu yaak haenppa⌋ Amon dilag aab Raba appa dayeye anidtteb.

Amos 1:14

Amon danab ag anam heppig amunu, da heppi, Amon dilag aab okkai Raba aab eweb; Rabanu aab aɗ ɠagattagnab ele, aab amu ele ewatteb, iitta mekkulag. Kobol amu bekku amu, deɗ amuam bannu deɗ, danab ag ban henana, ban haknu ewak huana hebeppeg, uug mettak deɗ amuppa ulah huanaknab ele uɗikku.

2 Samuel 11:1

Aria, anam daye ukke, aam haen digmekkunu heehe, haen amu king ag ahan, ban haknu gotteb ele, haen amuppa Dawit nug he, Joap, Dawitnu daup dilag okkai laala, am Israel dilag daup oh ele ag Amon ele ban hekkulagnu goppig. Ag gona, ban henana, ag Amon dilag daup aqaeg mauheg, aab okkai ahilag Raba heppeg nauhkkunu oo mattan aqaknu maadna daappig. Ag anam heppig, amge Dawit nug Jerusalem appa dayom.

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Sam 97:8

O Yawe, na nahipad danab ah ehanadnana, ahilkad kekeɗ eɗadkkut amunu, Sion danab ah ag amu doon, ag gamalag ahakku. Ao, Juda danab ah ag aabaabppa daatteb, ag amu doon, ag oo gamag ahak dooglag.

Sam 48:11

O Kayak, na nai doya mala hettoɗia epeɗia elele mettak kobol dim lamidttem amunu, danab ah Sion qaukoppa daatteb ele, ag gamag ahak dootteb. Ao, danab ah Judanu aab anen anenppa daatteb amu, ag gamag ahak dootteb.

Namba 21:25

Hesbon am Sihon, Amo dilag king, nuhig aab okkai. Anukka nug Moap dilag king ele ban heya, nug Moap dilag wan ukka Arnon le batak, nug wan amu oh nuhigppanu awom amunu, gemu amu, Israel ag Amo dilag aab okkai, Sihon waappa daappig ele, ag amu oh diin, ag aab amuppa daappig. Aab amu oolagppan laa am aab okkai Hesbon, am nug taliliak aab naunau oh ele.

Obadaia 1:19

Dimppa, danab ah gemu Judanu wan maha onig Negeb appa daatteb, ag wana, Esau buɗubnu wan Edom, ag wan amu aon daaglag. Danab ah ag Juda wanppa qauko okkai diigppa qauko nakok daattebppa daatteb, ag am ahan, Pilistia danab dilag wan aon, amuppa daaglag. Ag ele Israelnu wan, am Samaria ele aon daaglag. Benyamin danab ag Gileat wanppa daaglag.

Namba 10:9

Haen kekeɗ ag uɗippeg, ag ele ag wanelagppa ban hekkulagnu heppeg amu, ag kekeɗ amu ele ban hekkulagnu henana, ag trampet amu huana iwalppeg, da Yawe, ahilag Kayak, da amu doyen, da ag kekeɗ eppelagppanu eɗuen diikkul.

Duteronomi 13:16

Anam hena, ag danab amu dilag keeke oh akkan, aab gamagppa haɗap okkaippa mena main, ag aab nakok amu oh maippeg, ewa iitta maɗ! Amuam ag manaknu ofa, Yawe, ahilag Kayak, ag Nug medatteb, am amubia daakku. Aria, aab nakok amu nug nauhak anam aakku alet daakku. Ag aab amu aib eɗun bappaidppig.

Josua 17:11

Josua, nuhig ehanittak ele ag aab laala, am aab naunau aab amu taliliattak daappig ele, ag Israel dilag huu okkai Isakar, Aser ele dilah wanppa daappig amu, ag aab amu Israel dilag huu okkai Manase ele madappig. Aab amu onilkad amu, Betsan, Ibleam, Dor, onig laa am Napot Dor, Endor, Tanak, Megido ele. Aab naunau laala ele aab amu taliliattak daappig amu, ag aab amu ele ag madappig.

Josua 17:16

Josua nug anam aum, amge Josep buɗub ag appig, “Wan maha qauko qauko ele am ihinignu elele iitta. Amge Kanan danab ag qauko diigppa, uɗem okkaippa daatteb, ag atu amu mameg daatteb amu, ag bannu karis aenppa hak ele. Ag danab ɠagattag, ig eɗigkkulag elele. Ag Betsan, aab amu taliliattak aab naunau ele, amu oolnu noak onig Jesril ele, amuppa daatteb,” aon appig.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Esekiel 21:25

Amu na Israel dilag anuqak danab, na da, Yawe, na dahil neekkakppa ootppa dubuttid ele, na nau hak danab, nahip haen aakku gogppa teum daatte. Ge, na bu aokkutnu haen aakku uɗiom daatte,” awa atte.