Jeremaia 49:15 - Nobonob Baibel

¹⁵ Amu gemu Yawe Nug atte. “Esau buɗub, da heppi, ag wanppan wan oh oolagppa nakoknab daaglag. Danab ag ahilagnu ena iinab dooglag.

Jeremaia 49:15 Referans Kwoze

Luk 1:51

Nug nuhig ɠagattagppa uɗat okkainab heum. Ao, Nug he, dada danab ag oolna, tamtam gona oitteb.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Obadaia 1:2

Amu Yawe Nug atte. “Esau buɗub, da heppi, ag wanppan wan oh oolagppa nakoknab daaglag; danab ag ahilagnu ena iinab doon autna autnanab aoglag.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Jeremaia 49:14

Da, Jeremaia, da Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomi. Danab Yawe me ukkom ele amu, nug nai imu ab dooglagnu me ukkom. “Ag laa ag Esau buɗub, am Edom aakku, ag ag ele banelag gokkulagnu qagmeig! Ge, ag ban hekkulagnu aheg!” Yawe Nug anam akkunu me ukkom.

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.