Jeremaia 48:7 - Nobonob Baibel

⁷ Ag ahilag hakppan, ahilag en okkaippanu ele ehanittak aoglagnu oolagppa genab dootteb. Ag anam oolagppa genab dootteb amunu, kekeɗ ag uɗin eɗadna, aɗualadna diiadna goppeg, ag gona, diia ukka laih me dayak danab ah wan laappa daaglag. Kekeɗ ag amu henana, ag ahilag kayak Kemos, nuhikkud mana mettak danab, nuhikkud ehanittak anuqak danab laa ele diin goppeg, ag diia ukka laih me dayak danab wan laappa daaglag.

Jeremaia 48:7 Referans Kwoze

Namba 21:29

Moap danab ah, ahilagnu am gadonnab gadon! O gadon, ag kayak hambuppuak Kemos noobppa dup nona binag metteb, ag aakku nauhppig! Ahilag kayak amu nug he, nug bekkod, ⌊ag am ahilkad nid danab amu,⌋ ag oolna gona, wan laalappa, appalag diig iittappa daatteb. Ao, ahilag kayak aɗekkud, ⌊ag am ahilkad nid ahin amu,⌋ ahilag kayak nug amu dilagnu he, Amo dilag king Sihon nug aɗalatte, ag nug eppegppa daatteb.

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Hosea 10:13

Ag ahilag ban danab ag ahilag ɠagattagppa heppeg, ag ena daaglagnu dabmeppig. Ge, ag ahilkad ban danab ebqak okkai ele dilagppa ehanittak aoglagnu dabmeppig. Anam amunu, ag danab nug ee aeg nau eppa, meu eheɗ aotte, ag amubia daatteb. Ge, diig amunu ag nai hambuppuak, ag amunu genab doon, ag eheɗ aoppig daatteb.

Jeremaia 48:46

O Moap danab ah, ahilagnu am gadonnab gadon. Ag kayak Kemosnu danab ah, amge kekeɗ ag heppeg nauhkkulag. Aɗinu? Ag ahilkad nid danab diin goppeg, ag wan laappa diia ukka laih me dayak danab ah wan amuppa daaglag. Ao, kekeɗ ahilkad nid ahin diin goppeg, ag wan laappa ag eppelagppa daaglag.

Jeremaia 48:13

Kekeɗ ag amu heppeg, Moap danab ah ag ahilag kayak Kemosnu, nug ag ehanadkkunu elele iitta amunu, ag nuhignu uɗalag nekku. Anukka Israel ag Betel appa makau nag dottog golppa hak, ag amunu oolagppa genab doyeg, ii ehanatte, uɗalag neum, amubia Moap danab ah ag uɗalag nekku.

1 King 11:33

Da geha kobol imu Solomon, ⌊nuhikkudppan⌋ ele dilagppa hekkul. Aɗinu? Ag da uuiɗna dimeɗan, Saidon dilag kayak ah Astoret, Moap dilag kayak Kemos, amu Amon dilag kayak Molek ele noolagppa dup nona binalag meegeg uɗie, gemu ele hetteb. Am ib ena ag oiglagnu da tituanen mattami amu, ag uuna, am ɗo nai dahil oh ag ii dim lamidnana, ag kobol oh dahil neekkakppa ena daatte ele amu, ag ii heegeg uɗie, gemu ele ii hetteb. Ag Solomon mameg Dawit keeke amu oh dim lamittom bia ii heegeg uɗie, gemu ele ii hetteb.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Jeremaia 43:12

Nebukatnesar nug uɗia, Isip dilag kayak hambuppuak dilag mettid lag maneb eoglag; ahilag kayak hambuppuak dottolkad amu, nug aɗualatta, diia gokku. Sipsip gumak danab nug ulahnu lamen nuhig mekkunu uɗat okkai ii hette, keeke hamu bia dootte, amubia Nebukatnesar nug Isip eɗidkkunu uug ii dooma. Nug eɗitta, nug maɗoɗ ele eɗua laih gokku.

Jeremaia 13:25

Anamib ahilagppa ana bekku. Da amu bekkunu aakku ain malami. Ag dahilnu daulag atie, ag kayak hambuppuak dilag oolagppa genab dootteb

Sam 40:4

Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.

1 King 11:7

Jerusalem qauko heqo laih aam bedeppanu ukkakppan, appa qauko nakokppa Solomon nug aben aɗit babaittom; laa am Moap dilag kayak Kemos, Kayak Nug nuhignu ooppa uuaknab dootte amu, nug nuhig mettid lag nakok babaittowa, laa am Amon dilag kayak Molek, Kayak Nug nuhignu ele ooppa uuaknab dootte amu, nug nuhig mettid lag nakok ele babaittom.

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.

2 Samuel 5:21

Dawit aɗi ag Pilistia eɗatteg, ag kayak hambuppuak dottolkad ahilkad uuadna ooleg, Dawit aɗi ag uɗin akkan gona, ⌊dimppa manatteg eoppig⌋.

Jeremaia 49:4

Ag Amon danab ah, ag am nai tappe nak danab ah. Amu aɗinu ag ahilag wanppan oolnu noak wan ittagnab elenu dabmena, ag akka ag binalag metteb? Ao, ag Amon, aɗinu ag oolnu noak ahilkad meu huanak ottenu dabmena, ag akka, ag binalag medatteb? Amon danab ah, ag da dim lamiɗlob, amge ag ii hetteb. Iitta. Ag ahilag en okkainu oolagppa genab dootteb. Ao ag, ‘Aun nug banenig uɗiglagnu elele? Laa iitta!’ anan oitteb.