Jeremaia 48:2 - Nobonob Baibel

² O Moap danab ah, auntai laa nug ag binalag ii mette. Kekeɗ ag ⌊ahilag aab tomppa daatte onig⌋ Hesbon eɗidna, ag appa daan, ib attenppa Moap heppeg nauhkkunu nai mattiglag. Ag akkulag. ‘Ahappeg, ig Moap hepput nauhaɗ!’ aon akkulag. Aab onig Madmen, appa amu kekeɗ ag qep elabppa heppeg, hele-ettak daakku.

Jeremaia 48:2 Referans Kwoze

Jeremaia 31:36

“Da aamnu nai bappaidmi, kalam, hoɗopai ele dilag nai bappaidmi, yunu nai ele bappaidmi; amu keeke amu ohnu ɗo nai mattien ɗo amu memi, ɗo amu iitta mekkulag dayeb, Israel ag da noolppa huu daatteb bia ii daamna. Amge anam iinab bema,” awa atte.

Aisaia 16:14

Nug anukka anam mattiom, amge gemu Yawe Nug eɗua baula atte. “Moap am wan imuppan wan laa, am wan onig ele, amge maɗ ewam uueb, uɗat nid laippu laa nai qakkak waappa maɗ ewam dayaya, nug haen ebqette, haen amu bianab maɗ ewam uueb, Moap wan, danab ah nuhikkud ele oh ag geha uɗa nak eheɗ aoppeg, danab ah laa geha ag anidna, ag Moap danab ah dilagnu ena iinab doomna. Moap danab ah ag laib laib geha daaglag, ag geha ɠagattag iitta,” awa atte.

Namba 32:37

Ruben danab ag am, Hesbon, Eleale, Kiriataim, Nibo, Balmeon amu Sibma ele eɗun bappaladppig. Ag aab okkai aɗit Nebo, Balmeon ele bappalatppig haenppa amu ag onilti laa ataɗatppig.

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Jeremaia 48:45

Amu Yawe Nug atte. “Moapnu danab ah ag aab laalappanu oolkkulag ele, ag Hesbon guguittak daan, ehanittak aoglagnu oolag hekku, amge ag ehanittak laa ii aomna. Aɗinu? Aab huana ewawa ukka, danab nakok uma daatte beɗu ewe nauhtte, amubia kekeɗ ag Hesbon, aab amuam anukka King Sihonnu aab okkai, ag appa ele gona, Moap heppeg nauhkkulag. Moap danab ag ban hak danab, amge kekeɗ ag heppeg, ag nauhkkulag.

Jeremaia 48:42

Moap ag da, Yawe, ag da waalppa dayaknu uun, da oɗel tappaeg neum amunu, kekeɗ ag heppeg, Moap am wanppan wan laa ii daama.

Jeremaia 48:17

Ag huu laa oh Moap talilidna daatteb, ag huu laa ag nug onig okkai ele daatte dootteb ele, ag oh nuhignu mahieg! Ag nuhignu mahin, ag inam aig! ‘O gadonnab gadon, gumak laa ɠagattag okkai ele aakku na qeum. Ao, laa king ehah enanag ele, nug aakku na qeum.’ Ag anam aon aig!

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Jeremaia 33:24

“Jeremaia, na wan laappan danab ag, ‘Yawe Nug Israel danab ah, Juda danab ah ele, Nug ag nuhikkud daaglagnu tituanattom amu, Nug ag geɗatom,’ atteb ele amu, na amu iite doome? Ag amu atteb amunu, ag dahilad danab ah dilagnu ena iinab doon, ag danab ah dahilad dilagnu, ag wan imuppan wan laala oolagppan wan laanu danab ah ii dabmetteb.

Jeremaia 25:17

Yawe Nug anam aum amunu, da ⌊tuleglegppa⌋ kap amu nug eppegppanu awoya, wan atten atten lakkulagnu ippuniɗom ele amu, da appa ukken hei, ag lappig.

Jeremaia 25:15

Amu Yawe, Nug Israel dilag Kayak, Nug tulelegppa da, Jeremaia, da amelppa aum. “Jeremaia, kap imu, da eppelppa daatte amu, amuppa dahil oppoɗi bak wain bia daatte amunu, na kap imu da eppelppan aon aɗan, wanppan wan atten atten da ag onilag na amenppa appi, na appa aon gona heppe, ag laig!

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 15:1

Nai meunab ele Moap wanppanu Yawe he, Aisaia doyom ele am iikku. Tuqan laippuppa kekeɗ ag uɗin, Moap wanppa aab okkai Ar oh heppeg nauheb, Moap aakku na qekku amunu, ⌊da mahittem⌋. Ge, tuqan laippuppa kekeɗ ag uɗin, Moap wanppa aab okkai Kir oh heppeg nauheb, Moap aakku na qekku amunu, ⌊da mahiak hettem⌋.

Jeremaia 49:37

Da heppi, laa ag Elam aqaglagnu hetteb, ahilag kekeɗ amu, ag eɗadna autna aoppeg, Elam ag waa aoɗa malom daatte bia daaglag. Da heppi, uug naunab, am dahil oo nauhak huanaknab amu, uug amu ahilagppa bekku. Uug amuam, kekeɗ ag uɗin, qep elabppa aqadppeppeg, oolna gobeppeg, kekeɗ ag lamadna aqadppeg, padal mekkulag.’ ” Yawe Nug anam awa atte.