Jeremaia 47:7 - Nobonob Baibel

⁷ Amge Yawe Nug qep elab amu Pilistia heeb nauhkkulagnu haknunab aum amunu, qep elab amuam attem ha, hamu daakku? Ao, Yawe Nug qep elab amu Askelon, Pilistia yu ihippa daatteb ele aqakkunu, ag ele ban hekkulagnu haknunab aum amunu, qep elab am attem ha, amu ii hema?

Jeremaia 47:7 Referans Kwoze

Maika 6:9

Danab nug Yawenu ebehi oh bodoetta le mette ele amu, danab amu nug am doyak dabmak ena ele amunu, ag Juda danab ah ag daulag human, Yawenu nai doyeg! Nug atte. “Ag dahil bu mettaknu dabmenan oinna, da ag bu madattem ele amu, ag dahilnu ele dabmettan dayeg!

Esekiel 14:17

O iitta, wan amuppan danab ah ag eheɗ anam heppeg, da, ‘Kekeɗ ag uɗin, danab, ah, nid, doɗ ele qep elabppa aqappeg mauheg!’ appi, ag uɗin, da ib amuppa heppi, danab, ah, nid, doɗ ele aqappeg mauhkkulag dayeb amu,

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Esekiel 25:16

Anam amunu, Naɗi Yawe Nug inam atte. “Da eppel bahien heppi, Pilistia danab ah ag eheɗ aoglag. Da heppi, Pilistia huu laa Keret danab, aria Pilistia laa ag yu ihippa tuɗidna daatteb ele amu, ag oh padal mekkulag.

Aisaia 37:26

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Aisaia 13:3

⌊Amu Kayak Nug atte.⌋ “Da dahil ban danab, huu da epeɗiadmi amu, da ag gona, ⌊Babilon eɗadkulagnu⌋ haknunab amelagppa ami. Ao, da ⌊Babilon danab ah dilagnu oppoɗil bette amunu, da⌋ ban danab dahil ag noob mettak nau ⌊Babilon⌋ mattaglagnu onilagppa emi. Ban danab huu amuppanu amu, ag da onil attannab daakkunu gamalagnab ahatte.” Yawe Nug anam atte.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

Jeremaia 48:10

Danab nug Yawe uɗatnu hamu bia doyaya, uɗat amu haaha, pehettak ii hette amu, nug eheɗ laa awaknu anak waappa dayaɗ! Ao, laa nug Yawe oɗe ii dim lamitta, qep elab nuhigppa danab ii aqadtte amu, nug eheɗ laa awaknu anak waappa dayaɗ!

Esekiel 21:30

Ag ban laa hekkulagnu aib dabmeppig. Iitta. Ag ahilag qep elab am eɗun, gaɗappa meig! Da ahilag wanppanab, ag appa doppig amu, da ag appa epeɗiadkkul.

Esekiel 21:9

“Danab bekka, na dimppa aɗi bekkunu nai Israel danab ah amelagppa anana, na inam appe doyeg! Naɗi Nug atte. ‘Qep elab laa, ge qep elab laa, qep amuam uɗikkak aeg naunab nau, amemɗiag aotte ele amu, qep amu anam aakku daatte.

Esekiel 21:14

Yawe Nug anam ana, Nug tuɗitta aum. “Anam amunu, danab bekka, ⌊na Israel danab ah ag hipunin nau heegeg uɗie, gemu ele hetteb amunu,⌋ na danab nug dabmak huanak awa, uug nau ele doya hette bia na eppen laihppa am eppen laih ona, dimppa aɗi bekkunu nai inam madippe doyeg! Yawenu qep elab am haen laippuib ii aqama. Iitta. Haen aɗit, am ewam ele aqadkku. Qep amuam danab ah huanak aqakkun daatte. Ge, qep amu nug danab ah huanaknab aqakkunu aakku daatte. Israel danab ah ag ahilag wanppa adeppa adeppa daatteb amu, nuhig qep aben amu ohppa danab ah kuɗum aqeb mauhkkulag.