Jeremaia 47:3 - Nobonob Baibel

³ Kekeɗ ag uɗippeg, hos dawai ag qaiettan gobeppeg, oqotti ob dooglag. Daup ag bannu karisppa gobeppeg, bannu karis oqotti ob, ag dooglag. Nid mamelkad ag anadna, eheɗ baɗan, ag eppelag am gai-iitta luɗua nak dayeb, ag eɗun, nid ii ehanadmana.

Jeremaia 47:3 Referans Kwoze

Jeremaia 8:16

Kekeɗ ag uɗin, Dan appa daaegeg, danab nug hos noobppa nokoɗu qe doya, hos miag daatte dootte, amubia ig kekeɗ ag miag daatteb doottem. Danab nug hos dawai gaye, danab doya ottaitte, amubia ig Juda danab ah ohnab ottaittem. Kekeɗ ag wan imu oh, aɗi keeke wan imuppa daatte, ag diippeg, ahilag daaglagnu, ag amu ohnu aɗi hekkulagnu oolag daatte hekkulagnuib uɗitteb. Ao, ag wan imunu aab okkai oh, danab ah appa daatteb ele amu, ag amu oh diippeg, ahilag daaglagnu, ag amu ohnu aɗi hekkulagnu oolag daatte hekkulagnuib uɗitteb.’ Juda danab ah ag anam akkulag,” awa atte.

Ikki Danab 5:22

⌊Yawe he, anam beum amu,⌋ dimppa Siseranu daup ag bittumttum oolna goppig. Ge, ahilag hos ag huanaknab qaiettan, oolna goppig.

Nahum 2:4

⌊Kekeɗ amu ag uɗin, ban hekkulag amu,⌋ ag ban hebeppeg, ag ahilkad bannu karisppa aabnu ibppa huana oiglag. Ge, ag aabnu haɗap ooppa qaiettan laih gona, laih uɗiglag. Ag hul eotte bia daaglag. Ao, ag paha paha, amemɗi bia wana dokkulag.

Jeremaia 46:9

Ag Isip daup dilag hos, ag huan qaiettan, ban hekkulagnu ukkeg! Ag ban danab ag bannu karis lamadtteb ele, ag ahilkad bannu karis huana lamatteg! Ag daup baelagppa oin, ban hetteb ele, ag Kus danab, ag Put danab guppiɗ maotteb ele, ag Lidia danab latppa ban hetteb ele amu, ag oh ahan, laippuppa tappa ukkak hena, ban hekkulagnu ukkeg!

Revelesen 9:9

Ag momolagppa amu keeke qahaɗ aenppa hak bia ele, haulag amu bannu karis kuɗum hos eeɗadna banppa ukkaegeg oqotti otteb, amubia oqotti oppig.

Jeremaia 50:42

Daup amu ag lat, ban ele aɗaglag. Ag laa guittak mettaglagnu uug laa ii doomna. Ag laa dilagnu oo gai-iitta doya oo matta ehanittaknu kobol nakok laa dim ii lamidmana. Ag hos attan daanna oippeppeg, oqotti ahilag am yu heehe, oqotti otte amubia. O Babilon danab ah, ag ag ele ban hena aqaglagnu ag huu men uɗiglagnu bappaidkkulag.

Esekiel 23:24

Ag daup huanak ele na ele ban hekkulagnu yawalti uɗitteppanu uɗiglag. Ag bannu karisppa, uɗatnu karisppa ele uɗiglag. Ag uɗin, ag talilidna daanna, ag guppiɗ okkai, guppiɗ nakok ele aɗan, ag ikkilagppa aen hat mekkulag. Na bu nau aokkutnu amu, da heppi, na ag eppelagppa daappe, ahilag ɗoppa na bu nittaglag.

Nahum 2:8

Niniwe am le gottu bia daakku. Le gottu giɗo laa dayeb amu, le oh noa gotte, amubia Niniwenu ban danab oh ag ahilag ban haknu aben uun oolna gokkulag. Laa ag enan, “Aib goppig! Aib goppig!” anan daaglag, amge laa nug eɗua banppa daakkunu ii hema.

Aisaia 5:28

Ahilag lat aeg am aeg hawaɗnab, ahilag lat am omanak daaglag. Ahilkad hos am ag baelag di ɠagattag, men bia; panakkunu ele iitta. Ahilkad bannu karis am huan, pahanab gokkulag, bannu karisnu wil itoɗiak am ulah kilibob itoɗiaya gotte, amubia itoɗikku.