Jeremaia 46:7 - Nobonob Baibel

⁷ Le Nil titiɗa ba, le okkainab daatte amu, atteg dilag daup ag amubia iikku hetteb? Ao, le laa kuɗum ag ui huana o, le okkainab daatte amu, atteg dilag daup ag amubia iikku hetteb?

Jeremaia 46:7 Referans Kwoze

Jeremaia 47:2

“Yawe Nug inam atte. ‘Ag neegna, kekeɗ yawalti uɗitteppanu daatteb, ag uɗitteb antteg! Ag le titiɗa, le okkainab daatte bia uɗitteb. Ao, ag le ui oa, keeke kuɗum tonatte bia uɗitteb. Le titiɗa okkainab dayaya, wan oh tonatte, ag uɗin amubia hekkulag. Ao, le titiɗa okkai naɗi, aab keeke tonatte, amubia ag ahilkad aab ele aoglag. Pilistia danab ah ag gaaglag. Ge, laa oh Pilistia wanppa daatteb, ag mahiglag.

Daniel 11:22

Nug king ba dayaya, nug wan laappan daup huanak ele ban hekku amu, nug ag eɗatta, heeb nauhkkulag. Nug amu ha, nug Israel danab ah, Kayak he, ag Nug ele nug tituanna nai qagappig amu, nug ahilag okkai am ele heeb nauhkku.

Revelesen 12:15

Kayak haug amu ah mette, mat naɗinab nug oɗeppanu le okkai keleb, ui bia ugakka, ah amu awa heeb mauhkkunu heum,

Amos 8:8

Hipunin ag heppig ele amu, ahilag wan oh amunu iite uɗalkku; danab ah oh appa daatteb amu, ag iite mahiglag. Le Nil, amuam Isipnu le okkai, am titiɗa ba, ebehi ele ugakka, eɗua hiɗatte; amubia Israel wan oh am uɗalak nau awowa, na qekku.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Solomonnu Ahi 8:5

Laa nug atu taɗakppanu, laa nuhignu oo mauhtte ele ehanittette uɗitte amu, nug am aun? Apel ad laa waappa, appa na mamen nug na anin na mettom, appa na anin nug guittak naɗi doyaya menuittom amu; appa da maɗettidmi.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Esekiel 32:2

“Danab bekka, na nai oo doyak ele imu Isip dilag king Paro nug amegppa inam appe doyaɗ! ‘Paro, na am wanppan wan laa oh oolagppa laion bau bia daattem. Ao, na am yuppan doɗ okkai nau ele bia daattem. Wagai nug le nakokppa itoɗiaya, baegppa heehe, le dubuttid ele daatte, na amubia hettem,’ ” awa atte.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.