Jeremaia 46:6 - Nobonob Baibel

⁶ Isip danab nug huana qaiedakkunu elele amu, nug qaietta ukka, ena daakkun elele iitta. Isip danab nug ɠagattag ele, nug kekeɗ qe-eɗatta ukka, ena daakkun elele iitta. Yawalti uɗitteppanu, Yupretis le guguittak appa ag taataɗ qettan, nena qetteb.

Jeremaia 46:6 Referans Kwoze

Daniel 11:19

Nuhig daup gumak okkai laa nug anam heeb, king nug eɗua, nug wanebppa aab aɗ ɠagattagnab laala eleppa ukka dayaya, king nug na qeeb, laa baula nug ii anidma.

Jeremaia 46:12

Wanppan wan laappan danab ah ag ahilag uɗa naknu dooglag. Ag Isip, ag ahilag gayak baag am wanppan wan ohppa dayebeb dooglag. Aɗinu? Ahilag daup ag oolnana, nug ehanittaknu ii dabmenana, laa nug paha gokkunu haaha, layag ibppa daatte ii dabmedatta, layag baegppa qeeb, aa oh neya qekkulah.” Yawe Nug anam aum.

Jeremaia 50:32

Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Jeremaia 46:16

Ahilkad daup ag oolnana, ag baelkad am keeke laa aɗeb nena qena ahanna gonana, baula nena qekkulag. Ag gonana, lailkad nena qeppig ele beɗulkad qena, nena qekkulag. Amu ⌊wan laalappan daup Paro ehanidtteb ele⌋ ag akka akka ag akkulag. “Ahappeg, ig eɗut, ig wanenigppa, ig baenkadppa daattebppa, kekeɗ iqaglagnu ii daattebppa gotu!” aon akkulag.

Jeremaia 46:10

Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Jeremaia 4:6

Ag laa ag ib epponaknu at ib daugppa, o qauko igippa metteb ele, ag danab ah ag Sion ukkak ib anidkkulagnu at amu qappeg! Ag Juda danab ah ⌊Sion nakok guguittak daatteb,⌋ ag paha aab ahilag anen anenppanu, ag ena daaglagnu, ⌊ag aab amuppa⌋ paha oolna ukkeg!” Yawe Nug da anam akkulnu amelppa aum. Yawe Nug anam da amelppa ana malowa, Nug nai tuɗitta aum. “Juda danab ah, ag amu hekkulag diig am inam. Da hei, laa yawalti uɗitteppanu nug eheɗ hadakkunu uɗitte. Nug keeke kuɗum loppaɗeb nauhkkulag ⌊amunu ag padal mena autna aomnanu, ag anam ooleg⌋!” Yawe Nug anam da amelppa aum.

Jeremaia 1:14

Da anam ai, Yawe Nug aum. “Yawalti uɗitteppanu amu, da appanu danab heppi, ag uɗin, ag danab ah Juda wanppa daatteb hadappeg, padal mekkulag.

Aisaia 8:15

Ao, Nug anam bia dayebeb, ⌊Juda danab ah kuɗum, Jerusalemnu kuɗum ele⌋ ag baelag qena, taataɗ qekkulag. Kuɗum ag nena qena, nauhkkulag. Kuɗum ag pelem amuppa nona nauhkkulag.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Sam 27:2

Haen eheɗ hak danab ag eheɗ heiɗkkulagnu uɗin, da iuglagnu hekkulag amu, ag nena qekkulag. Yo, haen dahil kekeɗ ag banel uɗiglag amu, ag nena qekkulag.

Daniel 11:22

Nug king ba dayaya, nug wan laappan daup huanak ele ban hekku amu, nug ag eɗatta, heeb nauhkkulag. Nug amu ha, nug Israel danab ah, Kayak he, ag Nug ele nug tituanna nai qagappig amu, nug ahilag okkai am ele heeb nauhkku.

2 King 23:29

Haen Josaia nug king dayeye, Isip dilag king Neko, nug Isip ban danab diie, Yupretis leppa Asiria dilag king ehanadkkulagnu goppig. King Neko anam he ukkaegeg, Josaia nug amunu nai doya aha, nuhikkud ban danab diie gona, Isip dilag king ele ban hekkulagnu ag uɗalag tekkulagnu goppig. Ag Megido aabppa ban hena, Isip ag Josaia qeeg mauhom.

2 King 24:7

Gemu amu Babilon dilag king nug wan Isip dilag wan tomppanu digma ukka, le Yupretis batom, anukka Isip gumom amu, gemu Babilon dilag king nug wan amu oh awa gumom. Anam amunu, Isip dilag king nug nuhikkud ban danab ele ag baula gona, wan laalappa ban ii heppig.