Jeremaia 46:23 - Nobonob Baibel

²³ Kekeɗ huanaknab uɗin ban hekkulag. Ag tap-lokus, danab ebaqaknu ele iitta bia uɗiglag. Ag uɗin, Isip dilag daup huanak aqappeg mauhkkulag. Ag danab nug atuppa ad huanak oadtte, ag amubia hekkulag.

Jeremaia 46:23 Referans Kwoze

Ikki Danab 7:12

Am ban daup Midiannu, Amaleknu, amu kaɗag uɗitteppanu danab ele, ag tap-lokus bia happutna, oolnu noakppa aben aon daappig. Ahilkad kamel ebaqaknu am kuɗumnab, yu ihippa ihi bia daappig; laa ebaqadkkunu elele iitta.

Ikki Danab 6:5

Aɗinu? Kekeɗ amu ag ahilkad doɗ ele uɗin, peh buualadppig, ag am huanaknab amunu, danab dilag neekkakppa amu, wan qaɗeppa tap-lokus kuɗumnab daatteb bia daappig. Danab amu, ahilkad kamel ele am ebqaknu elele iitta. Ag Israel dilagppan keeke oh aoglagnu uɗippig.

Joel 2:25

Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.

Esekiel 20:46

“Danab bekka, na aben yau uɗitteppanu neegna, atu ad kuɗum ele appa daatte amu, na ad amu danab ahtai daalob, na ad amu amelagppa uug naunab ahilagppa beeb anidkkulagnu propet nai a!

Aisaia 10:18

⌊Asiria dilag daup ag am⌋ atuppa, ad huanaknab daatteb, o ad meu otteb dadppa eppak kuɗumnab daatteb, ⌊ag amubia daatteb, amge⌋ Yawe heeb, ag iitta mekkulag. Ag danab nug oɗe nau awa, ebehi teete ukke mauhtte, ag amubia iitta mekkulag.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Jeremaia 46:22

Kekeɗ huanak ag uɗippeg, Isip ele ban hekkulag amunu, Isip dilag daup ag mat laa kekeɗ antta oolala, oɗeppa sss hette, ulah oqotti otte, ag amubia hekkulag. Kekeɗ ag hebeb aɗan, danab ad oadtte bia ag amuppa anam ban hekkulagnu uɗiglag.