Jeremaia 46:22 - Nobonob Baibel

²² Kekeɗ huanak ag uɗippeg, Isip ele ban hekkulag amunu, Isip dilag daup ag mat laa kekeɗ antta oolala, oɗeppa sss hette, ulah oqotti otte, ag amubia hekkulag. Kekeɗ ag hebeb aɗan, danab ad oadtte bia ag amuppa anam ban hekkulagnu uɗiglag.

Jeremaia 46:22 Referans Kwoze

Aisaia 29:4

Da heppi, ahilag kekeɗ ag anam heppeg, ag Jerusalem danab ah ag nena qena, uug naunab nau doon, ag danab nug wanppa niiaya, nai danab uma dayaya nai maditte bia mattiglag. Ao, ag ahilag mattiak baag am danab nug gappud teppu eleppa niiaya, nai miagib iitta maditte, ag amubia nai mattiglag. Ag baalag am dottog laa baag bia daakku. Ao, ag gappudppa appa nai otiptippa mattiglag.” Yawe Nug anam atte.

Aisaia 14:8

Ad pain, ad sida Lebanonnu amu, ⌊ag danab ah daalob⌋ ag gamag ahak doon, ag king amu amegppa alobnab. ‘Laa nug na nitte mauhme amunu, gemu laa ad ob qiikkunu uɗia, nug ig ii oikke neta qettem.’ ” Ag anam ahi ettalob.

Sekaraia 11:2

Ad pain, ag danab hetteb bia, ag eheɗ gayeg! Aɗinu? Ad sida ag nena qeppig. Ao, ad enanag, anttak ahilag enanag ele, am ad sida amu, ag nauhna malappig Ad ok, Basan wanppa daatteb, ag danab bia, eheɗ gayeg! Aɗinu? Ad huanaknab daappig, amge laa ag watteg nauhppig.

Maika 7:16

Yawe Nug wanppanu wan ohppan danab hatteb, ahilag ɠagattag iitta meeb, ag Yawenu hak ɠagattag ele anidna, ag uɗa nak nau dooglag. Ag nai baula mattimnanu ag oɗelkad qamutna, ag dabmak huanak aoglag.

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Josua 9:21

Ig ag uuadpput, ag bau daaglag, amge ig hepput, ag ig Israel danab ah, ag ig oh ihinig aab, le ele aoglag,” aon appig. Amunu Gibeon danab ag aakku Israel danab ah dilag maɗi nid maɗi ah ele daaegeg, Israel dilag ikki danab ag ahilag nai ɠagattag qetta anak ele ii loppaɗppig.

Sam 74:5

Ag danab ag atuppa ad hebebppa oadtteb bia keeke heeg nauhppig.

Jeremaia 46:21

Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Jeremaia 46:23

Kekeɗ huanaknab uɗin ban hekkulag. Ag tap-lokus, danab ebaqaknu ele iitta bia uɗiglag. Ag uɗin, Isip dilag daup huanak aqappeg mauhkkulag. Ag danab nug atuppa ad huanak oadtte, ag amubia hekkulag.