Jeremaia 46:21 - Nobonob Baibel

²¹ Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Jeremaia 46:21 Referans Kwoze

Jeremaia 46:5

Ag amu hekkulag, amge da aɗi iikku anidttem? Da Isip dilag daup ag baɗak eheɗ nau doon, ag eɗun ooltteb. Babilon dilag daup ag Isip dilag daup eɗadppig. Isip ag eheɗ ooltteb. Ag eɗun neegnana, ii ooltteb. Iitta. Ag oolna ukkakib eheɗnab gotteb. Baɗak eheɗ nau ag taliliatte daatteb.

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

Maika 7:4

Danab amu oolagppanu laa, nug laa oh naunab hetteb bia ii hette, nug nakok ena hette; nug anam daatte, amge nug ele am nau, uud keeke qaun ele bia. Ao, danab amu oolagppanu laa nug danab nakok ena bia daatte, amge nug ele am nau, aɗ keeke qaun ele eppak, amubia daatte. Amu ahilag bu awaknu deɗ, ahilag gumak danab tutukku, ag appig bia, deɗ amu aakku paha uɗitte. Ao, deɗ Kayak Nug ag bu madakku amu, deɗ amu aakku uɗiom daatte. Gemu am ahilag kaaka aqeb oiyak haen.

Obadaia 1:13

Ao, kekeɗ ag Israel eɗattegeg, ag Edom ag Israel dilag aab anen anen ooppa ii golob am ena, amge ag goppig. Kekeɗ ag lailkad Israel aqaegeg nauhppig haenppa, ag Israel ag amelag guhigppa ii neekkadlob am ena, amge ag anam heppig. Ge, kekeɗ ag Israel eɗadna heeg, kuɗum mauhadppig, laa ag diin goppig ele amu, ag Edom ag kekeɗ amu heegeg, ag gona, Israel laulkadppanu en okkai yab akkan gona, en okkai ele daappig. Ag amu ii helob am ena, amge ag anam heppig.

Amos 6:4

Ag qaɗaqaɗ, amuppa kobol kobol hoiyak daatteppa elepan aeg babaittak qataqak ele, ag amuppa niitteb; ag sia okkai enanagppa ele hamu daatteb. Ag sipsip nag enanag teppulag latteb; ag ele makau nag, amge ittag huanak ele teppulag latteb.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Aisaia 34:7

Makau okkai ebehi ele dakkuɗ am ele aqeb mauhkkulag. Makau gaiɗ, makau dawai okkai okkai ele aqeb mauhkkulag. Edom wanppa tiig huanaknab neeb, tiilag am wan amu toneb, leppu medakku. Ao, wan amuppan mauhak huanaknab dayebeb, ittag am gappud ele kabolieb, gappud leppu ambak ele bia daakku.

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

Esekiel 35:5

Edom danab ah, ag haen elabnab uɗie, gemu ele ag Israel dilag kekeɗ daatteb. Ag anam daanna, haen Israel ag ahilag bu awak haen gogppa teum, haen amuppa kekeɗ ag uɗin, Israel ban hekkulagnu uɗippig amu, ag kekeɗ ehanattegeg, ag Israel huanak qep elabppa aqappig,’ ” awa atte.

Jeremaia 50:11

Amu Yawe Nug atte, “Ag kekeɗ ag dahiladnab danab ah eheɗ hattana, ahilag keeke aon gotteb ele, ag amunu oolag gamag ahatte. Makau balat, mameg qakkaknu muɗi uhuqe, enanag dootte bia, ag dahilad danab ah dilagppa eheɗ heppignu enanag dootteb. Ag hos dawai enanag doyaya, huana gaatte bia, ag gamag ahak doon etteb.

Jeremaia 46:9

Ag Isip daup dilag hos, ag huan qaiettan, ban hekkulagnu ukkeg! Ag ban danab ag bannu karis lamadtteb ele, ag ahilkad bannu karis huana lamatteg! Ag daup baelagppa oin, ban hetteb ele, ag Kus danab, ag Put danab guppiɗ maotteb ele, ag Lidia danab latppa ban hetteb ele amu, ag oh ahan, laippuppa tappa ukkak hena, ban hekkulagnu ukkeg!

Jeremaia 18:17

Kaɗag uɗiaya, gappud keeke ehale gotte, amubia da heppi, kekeɗ ag Juda danab ah lamadppeg, matatun gona daaglag. Uug naunab nekkunu deɗ, deɗ amuppa amu da Juda dimatten, ii ehanadpa.” Yawe Nug anam awa atte.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Prowerb 15:17

Aɗit laa aa keh gehiak aakkuib lakkulah dayeb, me aa oolahppa oo mauhak kobol daatte amu, amuam ena; amge aɗit laa aa teppu enanag lakkulah dayeb, me aa oolahppa layagnu nau ninig ele doyak daatte dayeb, amuam ena iitta.

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Matyu 22:4

Danab ii ukkaeg amu, king nug maɗi nid laa maatte gokkulagnu daaegeg, nug amelagppa aum. ‘Ag gona, danab aun aɗi da hobulnu deɗ mattami ele, ag ag amelagppa inam appeg dooglag. “Da lanaknu keeke oh bappaidmi. Da dahil makau okkai ebehi ele, amu makau titiɗak ele aqadmi, keeke oh babaittak daatte amunu, ag ah awak hobulppa uɗieg,” aon aig!’ awa aum.

Jeremaia 46:22

Kekeɗ huanak ag uɗippeg, Isip ele ban hekkulag amunu, Isip dilag daup ag mat laa kekeɗ antta oolala, oɗeppa sss hette, ulah oqotti otte, ag amubia hekkulag. Kekeɗ ag hebeb aɗan, danab ad oadtte bia ag amuppa anam ban hekkulagnu uɗiglag.

Jeremaia 48:44

Ge, Yawe atte. “Da Moap danab ah ahilag bu awak haenppa bu madakkul amunu, aun nug baɗak eheɗ nau anidmanu ooltte amu, nug wan moɗppa na qekku. Laa nug moɗppa na qa, eɗua dimittim doa, nug eɗua, pelemppa tekku.” Yawe Nug atte.

Jeremaia 49:8

Ag Dedan buɗub, ag Esau buɗub oolagppa aab Dedan appa daatteb amu, ag ahan ukkeg! Ag ahan oolna, wan oɗe naɗippa dayeg! Aɗinu? Da Esau buɗub bu madakkul. Da bu madappi, ag padal mekkulag amunu, ag ele padal memananu, ag ooleg!

Esekiel 30:22

Anam amunu, Naɗi Yawe Nug inam atte. “Da Isip dilag king Paro, da nuhig hak amunu eheɗ doyeye, da ool ii medattem. Da heppi, nug eppeg laih laih oh qiiglah. Laa gemu ena daatte, laa gemu qiiom daatte. Da amu heppi, qep elab nuhig am eppegppanu wanppa na qekku.