Jeremaia 46:18 - Nobonob Baibel

¹⁸ Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Jeremaia 46:18 Referans Kwoze

Jeremaia 48:15

⌊Ag anam aib appig. Aɗinu?⌋ Kekeɗ ag uɗin heppeg, Moap nauhak daakku. Kekeɗ ag uɗin, Moap dilag aabppa gona, aab aona, ag Moap dilag nid danab bau ena ena daatteb amu, ag aqappeg mauhkkulag.” King naɗi, Nug onig am Yawe Nukka Ɠagattag Oh Ele, Nug anam awa atte.

Ikki Danab 4:6

Anam daye amu, deɗ laa amu, nug Abinoam bekka Barak uɗikkunu nai me ukkom. Barak am Kedes aabppa dayom. Kedes am Israel dilag huu okkai Naptali dilag wanppa dayom. Nug nai me ukke, Barak uɗie amu, Deborah nug amegppa aum. “Yawe, Israel dilag Kayak, Nug na inam aakku haknunab atte. ‘Na qauko Tabor appa gona, na ban danab 10,000 Naptali, Seblon ele huuppanu diippe, na ag ele appa ukkeg!

Josua 19:22

Isakarnu huu wan madappig ele tom am Tabor, Sahasuma, Betsemes ele guguittaknab ukka, nakokib awom. Tom amu aakku ukka, Jodan leppa batom. Aab wan amuppa daappig, amu oh ebqak am 16. Aab naunau laala aab amu taliliattak daappig amu, ag aab amu ele ag madappig.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Aisaia 47:4

Laa Nug ig Israel, ihinig qagaiettakppanu eɗua uhuqaknu ehanittak daatte, Nug onig am Yawe Nukka Ɠagattag Oh Ele. Nug am ig Israel, ihinig Kayak Oppiaawak Ele.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Matyu 5:35

Laa ele, na nahip nai wan onig aon, aib ɠagattag qettame. Aɗinu? Amu ele am Kayaknu; am baeg maknu balal nuhig bia. Aria, na nahip nai aab okkai Jerusalem onig aon, aib ɠagattag qettame. Aɗinu? Jerusalem amu King Naɗinu aben.

Jeremaia 51:17

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Josua 12:22

Kedes dilag king, amu Jokneam dilag king, Karmel appanu ele.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Ikki Danab 4:12

Aria, Barak nug ugekke, Deborah, amu danab ag Barak dim lamitteg goppig ele, ag qauko Tabor appa teeg, laa ag Sisera amegppa, “Barak, Abinoam bekka, nug Tabor qaukoppa teum,” appig.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.