Jeremaia 46:17 - Nobonob Baibel

¹⁷ Ag gona, appa tena, ag akkulag. “Isip dilag king Paro, nug oɗeppaib mattiak danab; keeke laa ii hette. Nug keeke hekkunu haen dayom, amge nug ii heum,” ’ aon akkulag.” Yawe Nug Jeremaia amegppa anam aum.

Jeremaia 46:17 Referans Kwoze

1 King 20:10

Ag gona, Benhadat amegppa anam aeg, Benhadat nug doya, nug nai laa Ahap dookkunu me ukkom. Nai amuam inam. “Da heppi, dahilad daup ag danab nug wan paduduɗe, kalu nette, ag Samaria aabnu anam bia heppeg, Samaria nauheb, aab amu oh kalu daalo amu, kalu amu oh dahilad daup ag eppelkadppa aɗaglagnu elele. Ag eppelkad am-ii-bema. Da amu heppi, meu ii beeb amu, kayak laala ag bu okkainab meɗaglagnu ool daatte,” awa aum.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Esekiel 31:18

O Isip dilag king, na ele ad elabnab, Iden appanu ad oh eɗattak daattem. Na danab nug dagom onig ɠagattag okkai naɗi ele bia daattem, amge da heppi, na ele nena qekkut. Iden appa ad oh nena qekkulag, amubia na ele nena qekkut. Nena qena, mauhak abenppa daakkut. Na iitta aɗi danab laa oh qep elabppa mauhppig amu, na amu dilag moɗppa na ele niikkut. Amu oh am Paro, nuhikkud daup huanaknab ele dilag bekku.” Naɗi Yawe Nug anam atte.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Aisaia 31:3

Isip danab ag am danabib, ag Kayak iitta. Ge! Isipnu hos ag doɗ. Ag ouɗi iitta. Yawe Nug ɠagattag nuhigppa heeb, miag atieb, Isip dilag daup, ag laa ehanadkkulagnu hetteb ele amu, ag taataɗ qekkulag. Ao, danab laa ag Isip appanu ehanittak aotteb, ag nena qekkulag. Ge, ag oh laippu padal mekkulag.

1 King 20:18

Ag anam aeg doya, Benhadat nug aum. “Ag ig ele maɗoɗ nai mattignignu uɗitteb dayeb amu, ag aɗualattakib aɗualatteg! Aib aqappig. O iitta, ag ban hekkulagnu uɗitteb dayeb amu, ag amunu ele ag aɗualattakib aɗualatteg! Aib aqappig!” awa aum.

Eksodas 15:10

Ag anam appig, amge Yawe, na haen laippuib ouɗi iwale, yu nug Isip tonom. Ao, ag am yu naɗi ooppa unuqagnab men bia noppig.

1 King 20:11

Nai awa ukkak danab amu ag Benhadatnu nai amu Ahap amegppa aeg, King Ahap nug eɗua ag amelagppa aum. “Ag eɗun gona, Benhadat amegppa inam appeg doyaɗ! ‘Danab nug ban ha, kekeɗ eɗitta mala, nug bannu bala uɗaɗa, nug aɗi keeke okkai heumnu akkunu elele, amge danab nug bannu bala geha iikku mette amu, nug amubia aib heum!’ ” awa aum.

Eklisiastis 3:1

Keeke oh, am ahilag haen ele; amu uɗat oh danab ag wanppa hetteb ele, hak amu ele am haen ele.