Jeremaia 46:13 - Nobonob Baibel

¹³ Aria, nai imuam Yawe Nug Babilon dilag king Nebukatnesar nug Isip ele ban hekkulagnu uɗikkunu propet Jeremaia amegppa ana, Nug aum.

Jeremaia 46:13 Referans Kwoze

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Esekiel 29:8

Paro na, nahipad danab ah ele ag anam heppig amunu, da Naɗi Yawe, da na amenppa inam attem. Da heppi, kekeɗ ag uɗin, qep elab ahilagppa ag nahipad danab, amu doɗ Isip wanppa daatteb ele aqappeg mauhkkulag.