Jeremaia 46:12 - Nobonob Baibel

¹² Wanppan wan laappan danab ah ag ahilag uɗa naknu dooglag. Ag Isip, ag ahilag gayak baag am wanppan wan ohppa dayebeb dooglag. Aɗinu? Ahilag daup ag oolnana, nug ehanittaknu ii dabmenana, laa nug paha gokkunu haaha, layag ibppa daatte ii dabmedatta, layag baegppa qeeb, aa oh neya qekkulah.” Yawe Nug anam aum.

Jeremaia 46:12 Referans Kwoze

Jeremaia 46:6

Isip danab nug huana qaiedakkunu elele amu, nug qaietta ukka, ena daakkun elele iitta. Isip danab nug ɠagattag ele, nug kekeɗ qe-eɗatta ukka, ena daakkun elele iitta. Yawalti uɗitteppanu, Yupretis le guguittak appa ag taataɗ qettan, nena qetteb.

Jeremaia 14:2

“⌊Gu ii nekku amunu,⌋ Juda danab ah ag gaaglag. Aabppan danab ag uug naunab dooglag. Ag ahilag wan nauhkku amunu, ag qanak bia hekkulag. Jerusalem appa gayak aakku daakku.

Aisaia 19:2

Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Sepanaia 1:10

Amu Yawe Nug ele atte. “Deɗ da Yawe, da Juda danab ah bu madakkul amu, danab ah aɗnu od onig Kakainu Od guguittak daatteb amu, ag gaaglag. Amu danab ah ag aab ooppa aben bau heppig amuppa, ag mahiak okkai hekkulag. Amu aab ooppa qauko nakok daattebppa amu, appanu oqotti naɗi oobob dooglag.

Jeremaia 51:54

Yawe Nug heeb, Babilon nauhkku, haen amuppa Babilon appanu gayak okkainab aheb, laa dooglag. Laa amu, danab keeke loppaɗe, oqotti otte, oqotti amuam huanak okkai Babilon appa daakku. Oqotti amuam Babilon wanppa appanu aheb, laa dooglag.

Jeremaia 49:21

Edom na qekku, haen amuppa wan atu ohppan danab ah ag doon, ottaikkulag. Edom danab ah ag haen amuppa eheɗ gaaglag, amu danab ag umanab, Le Kokoɗ daugppa daatteb, ag gayak amu dooglag.

Jeremaia 48:34

Uug okkai beeb, da heppi, le Nimrim ele qaɗaiedakku amunu, danab ah Hesbonnu, Elealenu ele ag baɗan eppeg, danab ah Jahasnu ag doon, Soarnu ele doon, danab ah aab laa uma daattep, Horonaimnu am Eklat Selisianu ele amu, ag dooglag.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

1 Samuel 5:12

Kuɗum ag mauhadna malappig, amge laa ag ii mauhppig amu, Kayak Nug he, mamattin nau ag beɗulagppa beum amunu, ag eheɗ gaappig. Ag gaaegeg, gayak amuam habppa teum.

Aisaia 24:11

Laa amu, wain, danab ah ag lakkulagnu am iitta mekku amunu, aab okkainu ib ohppa ag hippaidna daanna, wain lakkulagnu ekkulag. Uug naunab wan ohppa beeb, oo gamag ahak eɗua, oo uug doyak daakku. Laa oo gamag ahak iinab dooma.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 47:2

“Yawe Nug inam atte. ‘Ag neegna, kekeɗ yawalti uɗitteppanu daatteb, ag uɗitteb antteg! Ag le titiɗa, le okkainab daatte bia uɗitteb. Ao, ag le ui oa, keeke kuɗum tonatte bia uɗitteb. Le titiɗa okkainab dayaya, wan oh tonatte, ag uɗin amubia hekkulag. Ao, le titiɗa okkai naɗi, aab keeke tonatte, amubia ag ahilkad aab ele aoglag. Pilistia danab ah ag gaaglag. Ge, laa oh Pilistia wanppa daatteb, ag mahiglag.

Jeremaia 50:46

Kekeɗ ag ban hena, Babilon eɗadppeg, ag eppelagppa daappeg, haen amuppa wan atu ohppan danab ah ag doon, ottaikkulag. Babilon danab ah ag haen amuppa eheɗ gaaglag, amu danab wanppan wan laala ag gayak amu dooglag.

Nahum 2:5

Kekeɗ dilag okkai nug nuhikkud daup ena ena onilagppa eeb dokkulag; ag ban hekkulagnu paha paha gonana, taataɗ qettaglag. Ag taataɗ qettan, eɗun ahan, ag qaiettan, aabnu aɗppa gokkulag; appa, ag aɗ dimittimnu guppiɗ naɗi okkai bappaidkkulag.